JONAH 3:5 - Cho Bible Common Language 2016

⁵ Nineveh chang gui naw Khanpughi ah ng’thu cu yum ci gui. Chang päng naw ei hlawi vai ah k’bäi u ne, chang avan akbä pi ungka naw ak ghawipi ung khüt sei, ng’yu nak m’dang nak ah suishe sui ci gui.

JONAH 3:5 Referans Kwoze

LUKA 11:32

Ng’thu m’chaa nak ah kho hnüüp Nineveh chang gui naw ng’düi law u neh nangmi cu ning k’shedam na gui khai gui nei, a i ah kia sei ci ung ngami cu Johan ah ng’thu ng’ya u ne, ami katnak ung kaa ng’yu ba pyii ci gui ah kyak ci. Kei naw akcang ka pyein cu, thubäi shin ung Jonah ah hlüngtai pi ci gawk law ci nei.

MATTHE 12:41

Nineveh chang gui cu Jonah ah ng’thu ngai u ne, katnak ungka ng’yu ba ci gui ah kyasei, m’khoichaa nak ah hnüüp ung, ngami cu ng’düi law u ne, nangmi cu ning k’taap gui khai gui nei. Kei naw akcang ka pyein cu, shin ung tuhbäi Jonah ah hlüngtai pi ci gawk law pyii ci nei.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

JOEL 1:14

Ei hlawi taigü vai ah k’bäi vä; chang van ng’bum vä! Ang vai gui la Judah chang gui avan Bawipa nami Khanpughi ah Taigü kyong ah bum u ne, ani ah kyap lau vä!

2 SHONTÄP NAK 20:3

Jehoshaphat cu kyikyawk neta, Bawipa naw lam am shüm vai ah taigü ci. Ami khopäng avan ung chang gui ei hlawi ne ami taigü vai ah thu k’bäi ci.

HEBRU 11:1

Yumnak cicu ngaih u nak gui akcang ah dang lawk khai, kä hmuh hning gui akcang om ci gui, ciah ngaih gep nak ah kyak ci.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

LAMKTU 27:25

Cun ah kyasei kä nami kyihkyawk vai, kei cu Khanpughi ka yum ci, cun ah kyasei, kei ah ma ah khankho chang naw a pyein ah mäih ah kya lawk khai, ciah ka yum ci nei.

LAMKTU 8:10

Ak kyom akshe, akpyam ang mang chang akda law u netah, “Ani cu hlüng tai pi ciah Khanpughi am hlüngtai ah kyak ci nei” cine ang thu cu ngai ci gui.

JEREMIAH 42:8

Cun ah kyasei Johanan khata Bawipa naw na ng’thu püi ci; ahei chang gui avan cu a täng ah ka khü gui ci.

JEREMIAH 42:1

Gakap bawi gui ami van, Kareah ah hta Johanan la Heshaial ah hta Azariah gui cu ang bum päng ung chang gui awn law u neta

JEREMIAH 36:9

Jehoiakim, Judah ghangpughang ah a kyak nak, kum hma nak ah a cha kaw nak ung chang gui naw Bawipa ah m’kuum nak gah vai ah ei hlawi ci gui. Ei hlawi nak cu Jerusalem ung om ciah chang avan la Judah khaw gawnu gui ungka lawk ci gui ami van naw bik ci gui.

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

EZRA 8:21

Cä ah Ahava tui cawh pei ung mik mi ah phäh ah tuhbäi ka pek ci. Mi van ei hlawi ne mi Khanpughi ah ma ah m’lung mi ng’neim sak khai. Mihteh nak ah lam ung ma ana tawn gui vai ah mi k’thäh khai. Mi mät mi hta nau gui la mi khawh cham avan ana shungvong gui vai ah,

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

ESTA 4:1

Mordekai naw cun gui avan hmat law neta, a sui gui k’teek ne cäi ng’ä ci. Cun kawn ah suishe sui ne a lu m’vut awn bu ne, kyap ne m’lau ne mang gaw kyong ah hteit shüi shüi ne,

JONAH 3:7

Ani naw Nineveh chang gui am ng’shäu nak thu m’shäk gui ci, “Shin cu ghangpughang la a bawi gui ah ng’thu küi nei; A u naw a i kä ah ei awk en vai; chang avan, sei avan, htome avan naw a i kä a ei awk vai ah kami k’bäi ci nei.

PHYAWN NAK 33:6

Cun ah kyasei Sinai M’htung ami hteh tak kawn ah Israel chang gui naw ghui lung kä äh awi ba ci gui.

2 GHANGPUGHANG GUI 19:1

Ghangpughang Hezekiah cu cun ah ng’thu ang yak vai am thüisei ne, a sui gui k’teek ne, sui she sui neta Bawipa ah Taigüim ah hteit ci.