JONAH 3:10 - Cho Bible Common Language 2016

¹⁰ Cun ah ami bi cu Khanpughi naw hmu gui ci, ami katnak ami ng’hlah taak phi hmu gui ci. Cun ah kyasei ani naw am lung m’thawng ne, a pyen te ah mäih ah kä m’di gui hnga ci.

JONAH 3:10 Referans Kwoze

JEREMIAH 18:8

Cun ung phi cun ah pakhui khaw cu ashetkat nak ungka ang hlah law ba ah a kyak ung, kei naw ka bi vai ah ka pyen cu kä ka bik khai nei.

LUKA 15:20

Cun kawn ah ng’düi law ne apa ah om nak ah hteit ba ci. Ashou nak pui ah ana a vü ba cu apa naw hmu netah, ang htei ah m’gein ne dou law ne kyap ne ng’ui ci.

AMOS 7:6

Bawipa naw am lung m’thawng bamä neta, “Cun ah kä kya hnga khai nei” cik ci.

LUKA 11:32

Ng’thu m’chaa nak ah kho hnüüp Nineveh chang gui naw ng’düi law u neh nangmi cu ning k’shedam na gui khai gui nei, a i ah kia sei ci ung ngami cu Johan ah ng’thu ng’ya u ne, ami katnak ung kaa ng’yu ba pyii ci gui ah kyak ci. Kei naw akcang ka pyein cu, thubäi shin ung Jonah ah hlüngtai pi ci gawk law ci nei.

PHYAWN NAK 32:14

Cun ah kyasei Bawipa naw am lung cu m’thawng ba ne, a chang gui khan ah a law püi vai ang ngaih ah kyih vai ah leigai cu kä law püi ci.

AMOS 7:3

Bawipa naw am lung m’thawng neta, “Na hmuh ah mäih ah kä kia hnga khai nei” cik ci.

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

JONAH 4:2

Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.

1 SHONTÄP NAK 21:15

Cun kawn ah ani naw Jerusalem m’di khai ah khanchang tumat tüi lawk ci, cun ung phi ani naw amlung m’thawng neta, khanchang a pyen nak cu, “Ng’düm ä! Acän bäng ah nei!” Khanchang cu Jebusit chang Araunah ah htang-hlang ung ng’düi ci.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

JEREMIAH 36:3

Ngami ah khan ah kei naw ka law püi vai ah ka pawng püi ah m’dishum nak gui avan cu Judah chang gui naw ami ng’yak ung, ami shetkat nak ungka ng’hlat tei law ba hman khai gui aw. Cun ung ami cheishoh nak la ami katnak gui cu kei naw ka m’geinsei gui khai.”

JEREMIAH 42:10

Nangmi cu shin ah khaw ung nami om lä vai nami ng’yak hlü ah a kyak ung, kei naw ka ning colcyang gui khai, kä ka ning m’shet m’kat gui khai kei naw ka ning geif gui khai, kä ning mawi gui khai. Nangmi ah khan ah ka law püi ah dishum nak naw kei cu ak däm ah na azä sak ci nei.

JONAH 4:11

Cun ah mang gaw Nineveh ah phäh ah kei a i hlawk ah däm sei ka yei khai ang? Cun kawn ah a cun ung, akatnak kä om ciah a hmaw hta gui 120, 000 ah däm cicu om ci nei, a cun ah mäih ah sei me akda phi om ci gui nei!”

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

JEREMIAH 18:7

A i pakhui khaw, a i uk nak khaw phi, a i sangung phi kei naw ka mawi hning ci, ka m’shet hning ci, ka m’di hning ci, cine ka pyen ci,