JONAH 2:9 - Cho Bible Common Language 2016

⁹ Cun ung phi kei naw ng’äi ne ka ning m’tam khai nei; Khawihnah nak ka ning douthak khai nei, ka shaitak ah mäih ah ka bik khai nei. Hun nak cu Bawipa ungka lawk ci nei!”

JONAH 2:9 Referans Kwoze

SAM 3:8

Näng nak cu Bawipa ungka lawk ci nei. Ani naw a chang gui cu hrilham pe gui sä.

SAM 50:14

Yeikyai ne ghu tha nak cu Khanpughi am pe vä, Nami shaitak om ciah mäih ah hlüngtai pi cu khawihnah vä.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

HOSEA 14:2

Bawipa ah ng’hlat ba vä, shin ah taigü nak cu ani am nai douthak ah ky a sä. “Kami kat nak avan na m’geinsei gui ne, kami taigü na dou pe gui ä, Keimi naw kami shaitak ah mäih ah kami ning m’hlüngtai khai nei.

SAM 68:20

Mi Khanpughi cu na hun gui ciah Khanpughi; Ani cu sih nak ung ka nak phyawn gui ciah Bawipa mi Bawipa ah kyak ci.

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

ISAIAH 45:17

Cun ung phi Israel cu Bawipa naw hun ci nei, ani ah näng nak cu ngawi yä om khai nei; ani ah chang gui cu kä thui hmai phung khai gui nei.”

THU PHLAAN 7:10

Ngami naw, “Hun nak cu mangkiaang ung gok ciah mi Khanpughi la Htomehta ungka lawk ci nei” cine m’lau ci gui.

JOHAN 4:22

Nangmi Samaritan chang gui naw, a u nami khawihnah kä nami hmat ci, keimi Jew chang gui naw a u kami khawihnah cu kami hmat ci; a i ah kyasei ci ung hun phiawn nak cu Jew chang gui ung kaa, gawk lawk ciah kyak ci.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

JOB 22:27

Na k’taigü ung ani naw ning m’shang khai, Nang naw na ng’khäntam cu nak pang khai.

ATÜNNAK 35:3

Mikmi cu shin ah khaw nawng ne Bethela ah mi hteit khai nei. A cu ah ka geinvai yah ung na m’htei ne hteh nak päng ah na khah püi ciah Khanpughi ah khawih kiang ka co khai nei” cik ci.

LAMKTU 4:12

Ani bäng cun vah Hun Bawi ah kyak ci, khomdek ah khan ung ani ah kawn ah, mikmi na hun gui khai, Khanpughi ah ghü u kä om ci” ci neh m’hlan ba gui ci.

SAM 107:22

Ngami naw yeikyai ne vawih peh u ne, ani ah bi gui avan cu yei nak ng’äi awn pyen u sä.

2 SAMUEL 15:7

Kum phli a lüng kawn ah Absalom naw ghangpughang David am, “Bawi aw, Hebron ah na hteh sak ä, ka shai tak cu k’pang ne, Bawipa ung ka bik khai nei.

THULÄÄN NAK 23:18

A cun ah mäih ah, cun ah mäih bi ne gah ah ngui cu, shaitak ah kümbe nak vai ah Bawipa nami Khanpughi ah im ung kä nami law püi vai. Bawipa naw Taigüim ung thuiplet nak cu thüi nak ci.

SAM 27:1

Bawipa cu kei ah kak dei la kei na hun ciah kyak ci; a i phi kä ka kyih khai. Bawipa naw kyihshe nak phung ung na shung vong ci, kei a i phi kä ka kyih phung khai.

SAM 95:2

Law vä, ama ah mi m’hlüngtai khai, yeikyai nak ng’äi m’cu ne mi m’taam khai nei.

1 SAMUEL 12:21

Khanpughi she gui ah hnu ah kä nami hteh tu vai; ngami naw kä ning m’htei gui hning khai, kä ning hun gui khai, ngami cu akcang ah kä kyak ci gui.