JONAH 2:6 - Cho Bible Common Language 2016

⁶ Kei cu m’htung ah angnei bäih ah ka yung kyak ci nei, angtäi sei ng’khai ciah kho ng’lei ah kyak ci nei. Cun ung phi Nang, Bawipa, ka Khanpughi, a thuuk pi ungka ghin nak ah na na law püi ba pyi ci nei.

JONAH 2:6 Referans Kwoze

SAM 30:3

ng’cim hmun ungka na na gung ci. Kei cu m’htei kho bü ne ka hteit ci, cun ung phi ka ghin nak cu na na shum ci.

SAM 16:10

A i ah kyasei ci ung nang naw sih nak ah huham ung ka na na phyawn ci. Kei naw bekhüt ne na khuut ka bik ci, Nang naw sihnak ah kho ung kä na na nawng khai nei.

ISAIAH 38:17

Kei ah ka khaa nak shi, dimdeeih nak ah ng’hlat khai nei. Kyihkyawk nak avan ung na na m’geinsei ci nei.

HABAKKUK 3:10

Khomhtung gui naw ami ning hmuh ung ng’thüng ci gui, khomik ungka tui phu ne kya lawk ci. Khomdek ah kaa ah tui gui gaai ci gui, ami tui hnawk gui ak hlüng tho lawk ci.

HABAKKUK 3:6

Ani ang düm ung shihpi thüng ci; Ani ah yei nak ung chang pakhui gui ng’hlet ci gui. Angtäi ah om ciah khomhtung gui cu pyawn u ne; angtäi om ciah khogui gui kyeim ci gui, m’htung gui cu cau pui tün ne ani ah hteh nak ah kyak ci.

ISAIAH 40:12

Tuinu a kut awn shum ne nüt ne, khomik a kut awn khap ne nüt hning ciah chang om ne ang? Khomdek ng’cü khap ung nän ne, khomhtung khogui khin nak awn khin hning ciah chang om ne ang?

SAM 143:7

Bawipa, Tuhbäi na m’shang ä! Ka ngaih u nak avan maih ci nei. Kä na ng’thuh en tau ä, Sihnak ah kho ah hteit ci gui ah ng’lung ah kei cu ka hteit khai kyak ci nei.

SAM 104:8

Ngami cu nang naw na pyan nak pek gui ah, m’htung khan phi hang phüm u ne, k’hteng nawi ah phi yu gawk ci gui.

SAM 104:6

Nang naw khomdek cu suinu ah mäih ah tuinu awn hlawp ne, khomhtung gui cu tui awn na küm sak ci.

SAM 65:6

Nang naw na thagui awn khomhtung gui cu k’süm ne, na hlüngtai nak cu na dang sak ci.

SAM 55:23

O Khanpughi, cun ung phi nang naw, Chang ngawn ci gui la m’gu hleei ci gui cu, ng’cim hmun ung na hteh sak gui khai, ngami cu kä chang cawih khai gui. Cun ung phi kei läi cu nang ka ning ngaih u khai nei.

SAM 30:9

“Kei ka sih ung a i na gah khai? Kei ng’cim hmun ah ka gawk ung, a i k’pawih khai ang? Aksi gui naw nang ning m’taam khai gui ang? Kä di hlawt ciah nang ah ni nak cu shäü hlawt khai gui ang?

JOB 33:28

M’htei kho ah ka hteit khai süte ani naw na k’pang ci. Cun ah kyasei kei ka ghing lä ci.

JOB 33:24

Khanchang gui naw chimgein nak awn “Chah tuba vä” cik khai gui nei. Ani cu sih nak ah kho ah hteit khai ah kä kyak ci nei. Shin ung ani chah nak ba vai ah amawng om ci nei.

THULÄÄN NAK 32:22

Kei ah kam lungshe nak cu mei ah mäih ah däi ne, m’dek khan ung a päng ui khai. Cun cu m’dek ah ka ung yu gawk khai. Khomhtung gui ah ang nawi cu m’hleim yawp khai.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

SAM 18:5

Sihnak ah kyihnak naw na kiung ne; ng’cim hun naw cun awn na phak ci nei.

SAM 116:3

Sihnak ga naw kei cu na koi ne; Tüükyaai ciah ng’phuh hmun naw na khai shi sei; kei cu kyih nak la cäi nak awn ka be ci.

ISAIAH 38:10

Kei naw ka ngai ci, kei cu kanong sung ung, kei cu sih nak ah kho ah ka hteit vai ci nei, kei ah kahnun cukä ghing ba vai ci nei.

EZEKIEL 26:20

Cau pui akhin ge ung ana om ciah chang gui ung nami ng’dawn tuk khai ah kei naw nangmi cu sih nak ah khaw ah ka ning tüi gui khai. Kei naw nang cu khomdek ka, angtäi di nak ah khaw ah aksi gui awn ng’pang ne nami om khai ah ka ning om sak khai. Ak hnu ah nang cu kä na om tu ba khai, ghin nak ah khaw ung hmun kä na gah tu ba khai.

EZEKIEL 31:14

Cun ah kyasei tuhbäi ung tün ne, a i sing ghing a i hlawk ah tui gah ci phi cun ah sing ghing güt ah kä ng’ng’shäi ba khai, acun ah hlüng ne khongmei pha ne ng’ng’shäi ne tho cicu kä om ba khai. Cun gui avan cu hnicim chang ah mäih ah ng’ziin ne sik khai gui, sih nak ah khaw ah hteik ci gui ung ng’ziin ne ng’dawn tuk khai gui.

SAM 69:2

Kei ng’än ng’nai thuuk ung ka lut ci, ka ng’leh nak vai kä om ci; kei cu tui thuk khui ah ka ng’kyak ci, tui ng’hnawk na k’plüm vai ci nei.