JONAH 2:4 - Cho Bible Common Language 2016

⁴ Kei cu na ma ungka na na k’täm ciah ka ngai ci nei na Taigü im theing cu kä ka hmu tuba hlawt khai ah ka ngai ci nei.

JONAH 2:4 Referans Kwoze

SAM 31:22

Kei cu ka kyik ci, ama ung ka, nak tääm khai ah ka ngai ci. Cun ung phi anam htei vai ah ka ng’khü yah ung, ka kyah cu ng’yak ci nei.

SAM 5:7

Cun ung phi küikyang ciah na m’hni nak awn, nang ah im khui ah ka law hning ci nei; Na Taigüim theing ung khawihnah hning ne, Na ma ah kawp ne ka ning m’tam khah hning ci nei.

ISAIAH 38:17

Kei ah ka khaa nak shi, dimdeeih nak ah ng’hlat khai nei. Kyihkyawk nak avan ung na na m’geinsei ci nei.

2 SHONTÄP NAK 6:38

Cun ah khaw ung ngami cu akcang akni ah ng’yuu ba u ne, kami pupa gui am na pek ah shin ah khaw, nang naw na ghü ah shin ah mang gaw, nang ah phäh ah kei naw ka cawh ah shin ah Taigüim shin gui täng ah mang ne nang ah ami taigü law ah a kyak ung,

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

JEREMIAH 7:15

Nami mäih yah gui Israel gui ka k’täm ah mäih ah nangmi cu kama ungka naw ka ning k’täm gui khai. Kei, Bawipa naw ka pyen ci.”

EZEKIEL 37:11

Khanpughi naw na pyen nak ci, “Hnicim chang, Israel chang gui cu shin ah guh gui ah mäih ah kyak ci gui. Ngami naw, ngami cu chawng pyi ci gui, ngaih u vai kä om ci, ma lam ah ka vai kä om ciah pyen ci gui.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

ISAIAH 49:14

Cun ung phi Jerusalem chang gui naw pyen ci gui, “Bawipa naw na nawng gui ci nei! Ani naw na m’hnih gui ci nei.”

1 GHANGPUGHANG GUI 9:7

Kei naw ka chang Israel gui cu kei naw ka pek gui ah khaw ungka kak plon gui khai. Kei ami na khawihnah nak vai ah kei naw ka k’bäi pyi ah shin ah Taigüim cun phi kei naw ka nawng khai. Khaw nü ung chang gui naw Israel cu gaih tu u ne päipih khai gui.

1 GHANGPUGHANG GUI 8:48

Cun ah khaw ah ngami cu akcang ah m’lung hnip ne, ami ng’yuu ba ung, ngami cu kami pupa ghü ah shin ah mang gaw, nang ah phäh ah kei naw ka cawh ah shin ah Taigüim täng ah mang ne ami taigü ung,

JONAH 2:7

Ka ghin nak ng’pyi ciah ka ngaih yah ung, O Bawipa, nang ah ka taigü ci, na Taigü im theing ungka naw na na ng’yak pek ci nei.

SAM 42:8

Bawipa naw kho hnüüp yah ung ng’täi ciah am hni nak cu m’dang khai nei, Cun ah kyasei kei naw mü ah ng’äi ka m’cu khai, ka ghin nak ah Khanpughi ah ka taigü khai.

SAM 88:6

Nang naw kei cu thuuk ciah khui, hnüp pi bäih ne, thuup pi bäih ciah m’gawng ung na na yuk chah ci nei.

SAM 88:7

Na m’lungshe nak naw gih aih ne ka khan ah za yuk geih ci, A cun ah tui ng’hnawk ah ka ah kei cu ka ng’deng ci nei.

NG’ÄI KYAH 3:54

Tui naw tün ne ana k’plüm law ung, sih nak vai ng’et lawk ciah ka ngai ci nei.