JONAH 2:2 - Cho Bible Common Language 2016

² “O Bawipa, ka geinvai yah ung ning khü ngä sei, nang naw na na m’shang ci. Thuuk aih ciah sih nak ah khaw ung ka naw na na m’htei vai ah ng’khüngä sei na na ngaih pek ci nei.

JONAH 2:2 Referans Kwoze

SAM 120:1

Kei naw ka geinvai yah ung Bawipa cu ka khü ci, ani naw na m’shang ci.

SAM 34:6

Am gein kaa ci gui naw ani cu khü u sei, m’shang gui ci; Ami khüikha nak avan cu phyawn gui ci.

SAM 86:13

Kei ah phäh ah ng’täi ciah na nam hni nak cu a i hlawk ah dämduh ci ang? Nang naw ng’cim hmun mät ungka na na hun ci nei.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

1 SAMUEL 30:6

David cu khüikha nak akdäm ung gawk ci, a i ah kyasei ci ung, a chang gui ami van u ami hmaw gui a maih ah phäh a thüi aih ci gui, ani cu lung awn vawih vai ah k’bäi ah k’bäi ci gui; cun ung phi Bawipa a Khanpughi naw k’thamah nak pek ci.

MATTHE 12:40

Jonah cu nganu ah puk khui ah hnüüp thum la mü thum a om ah mäih ah, chang ah Htapacun phi m’dek khui ah hnüüp thum la mü thum om khai nei.

SAM 116:3

Sihnak ga naw kei cu na koi ne; Tüükyaai ciah ng’phuh hmun naw na khai shi sei; kei cu kyih nak la cäi nak awn ka be ci.

SAM 22:24

Ani naw dukhaih cicu kä nawng ci, ami geinvai nak cu kä nawng ci; Ani naw kä ng’hlah ta gui ci, am htei gui vai ami ng’khü ung m’shan gui ci.”

SAM 4:1

Ka taigü cu na m’shang ä, O Khanpughi, ka ng’shung nak! Khüikha nak ung ka gawk sangung na na m’htei ci. Tuhbäi kei cu na m’gein ne, ka taigü cu na ngaih pe ä.

LUKA 22:44

Bawipa Jesuh cu ang htei ah yaica ne aktung ah taigü ci; am hutui gui cu si ah mäih ah lut law ne m’dek ung kya lawk ci gui.

ISAIAH 14:9

Sihnak ah khaw naw Babilonia ghangpughang cu don ge khai ah om ci. M’dek khan ung hnham mah man ci gui ah ami mümcha gui cu hnün tho ci gui. Ghangpughang gui ah ami mümcha gui cu hnün tho ci gui. Ghangpughang gui ah ami micha gui cu, ami mang kaing ung ka naw tho lawk ci gui.

SAM 65:2

a i ah kyasei ci ung nang naw taigü cu na ngai ci. Kho nü ung ka chang gui cu law u ne, ami katnak cu khei lawk khai gui nei.

SAM 61:2

Ngaih u maih ne, im sho sei, ka ning khü ci nei. Phyawn nak ah lung ung na hteh püi ä.

SAM 16:10

A i ah kyasei ci ung nang naw sih nak ah huham ung ka na na phyawn ci. Kei naw bekhüt ne na khuut ka bik ci, Nang naw sihnak ah kho ung kä na na nawng khai nei.

LAMKTU 2:27

A i ah kiah sei ci ung nang Bawipa naw kei cu, sih nak ah khaw ung kä nah na nawng düt khai; Nang ung ng’düng ciah na chang cun phi, Ng’cim hmun ung kä na thu kat sak düt khai ah kyak ci.

1 SAMUEL 1:16

Hnumi i baw düt ah kä na ngai en ä. Kei shin ah mäih ah ka taigü ci, a i ah kyasei ci ung, kei ka thüi aih ci.

NG’ÄI KYAH 3:55

Khui ah akyong ungka, O Bawipa, kei cu nang ah ka kyap ci nei.

EZEKIEL 26:20

Cau pui akhin ge ung ana om ciah chang gui ung nami ng’dawn tuk khai ah kei naw nangmi cu sih nak ah khaw ah ka ning tüi gui khai. Kei naw nang cu khomdek ka, angtäi di nak ah khaw ah aksi gui awn ng’pang ne nami om khai ah ka ning om sak khai. Ak hnu ah nang cu kä na om tu ba khai, ghin nak ah khaw ung hmun kä na gah tu ba khai.

EZEKIEL 31:14

Cun ah kyasei tuhbäi ung tün ne, a i sing ghing a i hlawk ah tui gah ci phi cun ah sing ghing güt ah kä ng’ng’shäi ba khai, acun ah hlüng ne khongmei pha ne ng’ng’shäi ne tho cicu kä om ba khai. Cun gui avan cu hnicim chang ah mäih ah ng’ziin ne sik khai gui, sih nak ah khaw ah hteik ci gui ung ng’ziin ne ng’dawn tuk khai gui.

2 SHONTÄP NAK 33:12

Ani cu yaica neta amlung neim sak ne, Bawipa a Khanpughi ah ng’hlat law ba ne, am htei vai ah ng’pa nak ci.

LUKA 11:10

Ng’yoi ci naw gah khai, shui ci naw hmuk khai, choh khäk ci cu hmawn pek khai.