JONAH 1:9 - Cho Bible Common Language 2016

⁹ Jonah naw, “Kei cu Hebru chang nei, Khomdek la tuinu tüisho ciah Bawipa, Khankho Khanpughi cu ka khawihnah ci nei” cik ci.

JONAH 1:9 Referans Kwoze

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.

SAM 136:26

Khankho khanpughi cu m’küi m’to vä; Ani ah m’hni nak cu ng’täi ci nei.

NEHEMIAH 1:4

Cun ng’ya neta kei cu ngo ne ka kyap ci. Kei cu khaw hnüüp akda ung thüisei ne, ei kä ka ei ci, Khanpughi ah ka taigü ci.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

2 GHANGPUGHANG GUI 17:28

Cun ah kyasei Samaria ungka ami hteh püi ah Israel taigü tumat cu hteit ne Bethela ung om ci, ani naw Bawipa a i hawkcha ah khawihnah vai cicu chang gui am m’thei gui ci.

2 GHANGPUGHANG GUI 17:25

Ngami ami om law htük yah ung Bawipa kä khawihnah ci gui, cun ah kyasei ani naw phonkawng gui tüi law sei amshah cu lou gui ci.

ATÜNNAK 14:13

Cun ungka phyawng ciah chang naw Abram am a mawng gui cu m’thein lawk ci. Ani cu Amorit chang Mamre ah sing ghing theing ah pei ah om ciah Hebru chang ah kyak ci. Mamre la a phäi goi Eshkola la Anera cu Abram ah teihpüi gui ah kyak ci.

THU PHLAAN 16:11

Cun ah ami hlut khei nak la ami m’neh m’awh nak ah hmawk ah mawpi Khanpughi cu m’shetkat ci gui. Cun ung phi ami mät ah cheishoh nak ung ka kä ng’hlat law ba ci gui.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

PHILIPPIAN 3:5

Kei cu khaw hnüüp chih ka law yah ung vun-ah nak ka gah ci. Kei cu Israel chang, Benjamin pakhui, Hebru nupa nah ne ka ng’tüi lawk ci. Jew gui ah thukhän läk nak pyein law ung kei cu Pharisee tumat ah ka kyak ci.

LAMKTU 27:23

Kei ah ka Bawi, kei naw ka taigü ah Khanpughi ah khankho chang cu, yanmü kei ah law netah,

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

JOB 1:9

Satan naw pyen ba ne, “Joba naw a i kä a gah ah a kyak ung nang cu ning khawihnah khai ang?

NEHEMIAH 2:4

Uktubawi naw, “Cun ung nang naw a i ang na ng’yak hlü?” Kei naw khankhaw Khanpughi ah ma ah taigü neta,

EZRA 5:11

“Ngami naw, ‘Keimi cu khankho la khomdek ung Khanpughi ah nak changshäm gui nei, Keimi naw Taigüim kami co ba ci nei, cun cu cau pui ge ung huham ah ciah Israel ghangpughang naw a htük ge ung co ne am khüüp te ah kyak ci nei.

ATÜNNAK 39:14

a changshäm gui cu khü ne, “Teng vä, ka cei ah law püi shin ah Hebru chang naw na yawshe na gui ci nei. Ani naw ka ih nak kyong ah lut law ne, na yaw hlük ci nei, cun ung phi kei cu nisei ka m’lau ci nei.

PHYAWN NAK 1:15

Cun kawn ah Egypt ghangpughang naw Hebru hnumi gui m’hta tu gui ciah Shiphrah la Puah sei sayama goi cu ng’thu püi goi ci.

PHYAWN NAK 2:13

A ngawi ung mä hteit ba ne, Hebru chang goi ana ng’tu ni sei hmu goi ci. Ani naw hma ciah chang am, “A i ah kyasei na Hebru chang paw na thah ang?” cine ng’shik ci.

ATÜNNAK 1:10

Khanpughi naw khawkawng cu khomdek ah sui ne, tui gui ng’dawn cicu “Tuinulikim” ah sui ci. Cun cu Khanpughi naw teng neta yei ci.

ATÜNNAK 24:7

Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei.