JONAH 1:5 - Cho Bible Common Language 2016

⁵ Htinpaw ung bik ci gui cu cäicat u neta, m’htei gui khai ah ami khanpughi phäh phäh cu khü ci gui. Cun kawn ah htinpaw a yaang vai ah ami phui gui cu ghawt ci gui. Cun sangung Jonah cu ka ah yu kyum neta htinpaw akheng ah ng’yän ne hnai ne ip ci.

JONAH 1:5 Referans Kwoze

1 GHANGPUGHANG GUI 18:26

Ngami naw ami thak law gui ah vantang cu la ne, pyang u neta, khaw hnüüp law güt sei Baala ah taigü ci gui. Ngami m’lau u ne, “Baala aw, na m’shang gui ä!” ci u ne, ami cawh ah sonkiang cu veing ne ng’lam ci gui. Cun ung phi a i ah m’shan nak phi kä gawk lawk ci.

JEREMIAH 2:28

“Nami mät ah phäh ah nami pyan ah khanpughi gui cu a hawi ang? Khüikha nak ung nami gawk sang ung a cun gui naw ning hun u sä — kä ning hun hning khai ma! Judah, nang ung nami mang gaw gui chü ah da ciah khanpughi gui om ci nei.

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!

1 SAMUEL 24:3

Ani cu lam ah ng’leng hto im gui ah pei ah khui ung hteit ne ng’now phyam ci. A cun ah khui ah vangtäng ung David la a chang gui cu ng’thup ci gui.

SUKI GUI 16:19

Delilah naw Samson cu a pheitui khan ah m’äp ne m’ih neta, Samson ah a lusam säm chih cu at khai ah chang cu khü ne ah sak ci. Ani ah akthagui cu maih pyi ci kyasei, hnumi naw tün ne shedam nak ci.

LAMKTU 27:38

Avan phü vai ah kami ei auk kawn ah, htinpaw a yaang vai ah hmawk ah k’htang ip gui cu tui ung shum ci gui.

MATTHE 26:45

Cun kawn ah ang düihpüi gui ah om nak ah law ba netah, “Nangmi cu ip ne ng’düm ne nami om ci ma? Chang ah Htapa cu chang she gui ah kut ung ap vai ah akhin gawk lawk ci nei.

MATTHE 26:43

Cun ah Bawipa Jesuh a law ba ung phi ang düihpüi gui cu ami mik käm dei hlawt ah ip u sei hmu gui ci.

MATTHE 25:5

Chumah khai ah pamihta cu kä law yä sei, ngami cu ami van ngam ne ip yawp ci gui.

JONAH 1:16

Cun ung bii bik ci gui naw Bawipa cu kyih aih u neta, khawihnah nak pe u ne, abii bik khai gui ah shaitak ci gui.

JONAH 1:14

Cun ah kya khäta ngami cu Bawipa ah m’lau ci gui, “O Bawipa, kami taigü ci nei, Shin ah chang ah hnungui na lak nak vaisü awn keimi sih nak ung kä na m’kyuk en gui ä! Nang Bawipa cu shin gui avan na bi hning ci nei. Shin cu nang ah bi ah kyak ci nei.”

JONAH 1:6

Htinpaw kepting naw ani cu hmu neta, “A i ah kyasei na ih ang? Tho law ne na Khanpughi ah taigü ä! Ani naw mikmi ah hmawk ah ng’ä neta, mi hnun gui nak phyawn gui hman khai nei” cik ci.

HOSEA 7:14

Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?

JOB 2:4

Satan naw m’hlan ba ne, “Chang naw ghing ne a om vai ah phäh ah apäng avan chah khai nei.

SAM 107:25

Ani naw m’tho sei pui kho khi ne, tuinu ng’hnawk ci.

SAM 148:8

Lailäp la gäi lung, khüi toi la kho ng’mei, puikho khi avan a thumkhän ngai ci gui naw.

THUSHÄUTU 3:6

Ani naw m’hnü ci, Shui ne hmuh nak ah a khin om ne, a maih nak ah khin om ci; M’cun m’seh nak ah a khin om ne, fih ghawh nak ah khin om ci.