Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.
Bawipa naw a kiang khokhi cu chün ciah khei khokhi ah lat ne, khanpeh gui cu thawk ne yon ne, Suez tui ng’khep ah khüt ne yon gui ci. Egypt khaw ah khanpeh tumat phi kä om ba ci.
Bawipa naw ang ghit ah khokhi yuk chah sei, a cun naw tuinu ah ka khihmuk gui yon lawk ci. Cun gui cu khomdek khan ung dawng goi vai ah hlüng ne yong ci gui. Ngami cu shaum ah khan ah ngo u ne avan ah ng’veing, maan nak päng kilometre akda ung om ci gui.
Moses naw tuinu khan ah a kut shäng khäta, Bawipa naw ng’hüüt ciah ng’kiang khokhi awn tuinu cu m’hlat ci. Khaw cu thai ne khi ne tuinu cu ket sak ci, tuinu cu ng’pai ci.
Cun ah kyasei Moses naw a ng’shopawng shäng khäta, Bawipa naw ami khaw ah khan ah, mü lüng hnüüp lüng ne khaw khi law sak ci. Khaw ngawi ah kya law khäta khanpeh gui yong lawk ci gui.
Ani ah ang thumkhän awn khomik ah khan ah tui gui m’hnawk ci; khomdek ah ak cawi ah ka khongmei gui ani naw law püi ci. Ani naw khok’aa ung lailüp pyang ci, cun kawn ah ak khei im kyong ah kaa khokhi cu tüi lawk ci.