JONAH 1:3 - Cho Bible Common Language 2016

³ Cun ung phi Jonah cu pawng ne Bawipa hnu na ne a lam hei ung hteit ci. Ani cu Joppa ah hteit ci, cun kawn ah Spain ah hteit khai ah htinpaw cu hmuk ci. Ani naw htinpaw ah ang khah pe ne ngami awn atäng ah hteit tuk ci. A cu ah ani cu Bawipa awn ang shawng vai ah phäh ah kyak ci.

JONAH 1:3 Referans Kwoze

JOSHUA 19:46

Mejarkon, la Rakkon, acun ah mäih ah Joppa angveing khopäng avan ah kyak ci.

ATÜNNAK 4:16

Kain cu Khanpughi ah ma ungka dawng ne Eden dum ah hni law lam Nak ah khaw ah hteit ne om ci.

LAMKTU 9:36

Joppa pigaw ung, Khanpughi yum ci, Tabitha ming nak ciah hnumi tumat om ci. (Karik thu awn ah ming cu Dorcas ah kya ne kigang ciah kyak ci.) Ani cu angtäi sei ak ni bi ne chang phi geinsei ci.

LAMKTU 9:43

Peter cu cun ah Joppa pigaw ah mehvun pyang ciah Simon awn a täng ah ak sho om tuk ci.

JONAH 4:2

Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.

ISAIAH 23:6

Thüisei vä, nangmi Phoenicia chang gui! Spain khaw ah phyawng ne nami gawk vai ah tha na vä!

ISAIAH 23:1

Shin cu Tire gawnu ah mawng thumkhäh ah kyak ci. Thuinu ah khan ung gawk ciah htinpawkläk gui! Thüisei vä! Nami im gawnu Tire cu dipyi ci nei; a cun ung im gui la tukkem im gui cu she pyi ci nei. Nami htinpaw Caiprus ah ka a law ba ung nangmi naw cun ah mawng nami hmat ci nei.

1 GHANGPUGHANG GUI 19:3

Elijah cu kyi neta a phyawn vai ah dawng ci; ani naw a changshäm cu khah püi ne Judah khaw Beersheba ah hteit ci. A cu ah achangshäm cu nawng shüt neta,

2 THESSALONIAN 1:9

Ngami cu angtäi sei geinvai nak ah shetkat nak ung yaica khai gui, cun cu Bawipa awn ng’pai nak la abawimang nak awn ng’shawng nak ah kyak ci.

1 KORIN 9:16

Thu Ni ka pyein nak awn kei ung khähghah nak vai kä om ci, Khanpughi ah thukhän nawn kei naw ka bi ah kyak ci. Kei naw Thu Ni cu kä pyein ah ka om ung a i hlawk ah thüisei vai kyak khai ang!

LAMKTU 26:19

“Akrippa Ghangpughang mang! Kei naw khankho ah kaa ka hmuh cu kä pyein ah kä ka hlawt ci nei.

EZEKIEL 27:12

“Nang cu Spain ung sumlei ne ngui, m’sii, m’sii bawk la khee gui cu khawh akda awn na m’thawng ci.

ISAIAH 23:10

Hteit ne kholo vä, nangmi spain khaw ah koloni ung chang gui! Nangmi ning shungvong ba gui khai a u phi kä om ba ci nei.

JOB 1:12

Bawipa naw Satan a pyen nak ba cu; “Ä ya, ani ung om ci nü cu, nang ah huham ung ka ning ap ci, Cun ung phi Joba amät cu kä na nat sak en vai,” ci nak ci, cun ah kyasei Satan cu hteit ci.

2 SHONTÄP NAK 2:16

Lebanon Khomhtung ah cedar sing gui na ng’yak hlü avan chu u neta, k’bawng ne pawk u ne, Joppa ah gawk lawk khai ah tui ung kami m’hteh lawk khai nei. Cun ungka naw la ne Jerusalem ah nami hteh püi vai nei” ciah kyak ci.

LAMKTU 15:38

Cun ung phi Paul naw ami bi bi nak ang pyi güt ah kä hteh tu ah nawng en gui ne Pamphilia ung hlah ta gui te ci kyasei, ani khü tu ba vai cu kä yum ci.

LUKA 9:62

Bawipa Jesuh naw, “Vintang, m’hachaa kawt ne, a hnu ah va mang ba ci cu Khanpughi ah Uknak kho ah hmawk ah a i ah kä mawng ci nei” ci na gui ci.

EZEKIEL 3:14

Bawipa ah huham cu kei ah khanah dämuh ciah nak tut ne gawk law khäta amum cha naw na hteh püi sei, kei cu ka m’lung na ne ka m’lung she ci.

ISAIAH 60:9

Ngami cu a shou nak ah ka lawk ciah htinpaw gui nei, khanpughi ah chang gui cu im ah law püi gui ci gui nei. Ngami naw ghui la ngui law püi ci gui, cun cu theingcim ciah Israel khanpughi, Bawipa ah aming m’tamkhah nak vai ah kyak ci nei. Chang pakhui avan naw a chang gui ami m’tam khah vai ah ani naw abi ah kyak ci nei.

ISAIAH 2:16

Ani naw däm pikbäih ne kyom pikbäih ciah htinpaw gui phi ng’hnim sak khai.

JOB 2:7

Cun kawn ah Satan cu Bawipa ah ma ungka hteit ba neta, Joba ah pumsa avan cu hlut sak ci.

1 GHANGPUGHANG GUI 19:9

Acu ah ani cu lungkhui ah lut ne mü ah ip ci. Ang ghit ah Bawipa naw ani cu ng’thu law püi ci, “Elijah, shin ung a i ang na bi?” cik ci.

ATÜNNAK 3:8

Cun ah mühun ung dum ah kyong ah Khanpughi a law cu ng’ya ni neta, ngani cu sing ghing hmu ah ng’thup ci goi.

LAMKTU 9:38

Lidda pigaw cu Joppa gawnu awn et ci kyasei, yum ciah chang gui naw Peter cu Lidda ah a om hmat u netah, “Keimi ah ak yang ah a law vai nei” ci ne m’cäi ne chang hnih tüi ci gui.

LAMKTU 9:42

Cun ah mawng cu Joppa kho van ung thang sei, chang akda naw Khanpughi cu yum lawk ci gui.

EZRA 3:7

Chang gui naw lung im co ci gui la peen im co ci gui am pek gui vai ah ngui cu pek ci gui. Lebanon ah ka cedar sing gui ami m’thawng nak ah Tire la Sidon mang gaw chang gui am ei vai awk vai la oliv situi gui cu pek ci gui. Ngami naw tuinu ung Joppa ah ami law püi vai ah kyak ci. Cun gui avan cu Persia uktu bawi Sairus ah shai chah nak awn ami bi ah kyak ci.

SAM 107:23

Am shah cu tuinu ah khan ah h tinpaw am hteit u ne, tuinu ung ami hnun m’gin ci gui.

JEREMIAH 10:9

Ngami ah a gup gui cu spain ah ka ngui, Uphaz ah ka ghui gui awn vook ne, cuiche saya gui naw avan ami pyan nei. Cun gui cu shuntah thei ci gui ah tah ah, sui amvon la amkim gui ami m’sui gui nei.

JONAH 1:10

Jonah naw ktäi ne Bawipa hnu na ne a dawng law ah mawng cu m’thein tu gui ci. Htinpaw bik’bi gui cu cäicat u neta, ani am, “A i kyasei na dawng ang? cine ng’shik ci gui.

2 SHONTÄP NAK 2:15

Cun ah kyasei tuhbäi ung shai na tak ah htang, htang tun, sapyit tui la oliv situi cu na ap law gui ä.

2 SHONTÄP NAK 9:21

Ani ung Ghangpughang Hiram ah htinpaw bum awn, tuinu ung a täng ah hteit ciah htinpaw om ci. Ani ah htinpaw gui cu kum thum ung hnü ät law ba ci gui, ami law ba päng ung ghui ni, ngui ni, m’vuiha ni, yawng ga ni, yawng gui ni law püi ci gui.

EZEKIEL 2:8

“Hnicim Chang, kei naw ka ning m’thein cu ngai ä. Ngamiah mäih ah kä na küknet en vai nei. Na m’gawng m’an neta kei naw ka ning pek law phung na ei vai nei.”