JONAH 1:2 - Cho Bible Common Language 2016

² Ani naw, “Nineveh mang gaw nu ah hteit ne hnungtuk ne ng’thu na pyen vai nei. Cun ah gaw ung chang gui a i hlawk ah ami shetkat cu kei naw ka hmat ci nei” cik ci.

JONAH 1:2 Referans Kwoze

ATÜNNAK 10:11

Cun ungka naw Assiria khaw ah hteit ne, Nineveh, Rehoboth Ira, Kalah la Resen mang gaw gui cu sa ba ci.

NAHUM 1:1

Shin cu Nineveh ah mawng ng’thu m’khäh, Elkosh ah ka Nahum naw a hmuh ah muimang m’cut gui ah kyak ci.

JONAH 4:11

Cun ah mang gaw Nineveh ah phäh ah kei a i hlawk ah däm sei ka yei khai ang? Cun kawn ah a cun ung, akatnak kä om ciah a hmaw hta gui 120, 000 ah däm cicu om ci nei, a cun ah mäih ah sei me akda phi om ci gui nei!”

JONAH 3:2

Ani naw, “Nineveh mang gaw ah na hteh vai, ka ning pek ah thuni cu chang gui ah ng’lung ah na shäu vai “ci ne kyak nak ci.

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

THU PHLAAN 18:5

A i ah kyasei ci ung ani ah katnak cu khanmawpi k’phaa ne hlüng ne, Ani ah cheishoh nak ah lam cu, Khanpughi naw a shüm hmat yawp pyi ah hmawk ah kyak ci.

2 GHANGPUGHANG GUI 19:36

Cun kawn ah Assirian uktubawi Sennachrib cu ng’hlat ba ne Nineveh ah hteit ba ci.

MIKHAH 3:8

Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

EZEKIEL 2:7

Kei naw kei na m’thein gui vai ah ka ning m’thein phung cu, kä ami ngaih ung phi ami ngaih ung phi na m’thein gui vai. Ngami ai hlawkah ami küknet cu na shüm vai nei.

EZRA 9:6

Kei naw, “O Khanpughi, nang ah ma ah ka lu ka tä law vai ah ka ng’aa aih ci nei. Kami katnak cu ng’pum ci nei, kami lu ah ta hlüng pi ci nei. Khankho ah mäih ah hlüng lawk ci nei.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

MATTHE 10:18

Mang ah im ung ning tuthat gui khai gui. Nangmi cu kei ah hmawk ah uk-chuk ci gui la ghangpughang gui ah ma ah ning hteh püi gui khai gui. Cun ah kyasei ngami gui la a pakhui hei gui-am ng’thu k’ni cu nami m’thein gui khai.

MATTHE 12:41

Nineveh chang gui cu Jonah ah ng’thu ngai u ne, katnak ungka ng’yu ba ci gui ah kyasei, m’khoichaa nak ah hnüüp ung, ngami cu ng’düi law u ne, nangmi cu ning k’taap gui khai gui nei. Kei naw akcang ka pyein cu, shin ung tuhbäi Jonah ah hlüngtai pi ci gawk law pyii ci nei.

ISAIAH 37:37

Cun ung Assirian ghangpughang Sennachezib cu a hwai m’hlat ne ng’hlat ba ne Nineveh ah hteit ba ci.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

HOSEA 7:2

Kei naw ngami am shet nak avan ka shüm hmat ciah ngami naw kä hmat ci gui. Cun ung phi ami kat nak naw koi gui sei, kei naw k hmuh ah kä ka om hlawt ci.”

JONAH 3:3

Cun ah kyasei Jonah cu Bawipa ah ng’thu ngai ne, Nineveh ah hteit ci. Cun ah mang gaw cu däm aih ne hnüüp thum hteh nak vai kyak ci.

2 SHONTÄP NAK 28:9

Oded ming nak ciah Bawipa ah prophet cu Samaria mang gaw ung om ci. Israel gakap gui naw ami pha gui ah Judean gui law püi ne law ba u ne, mang gaw ung lut law vai u sei, hmu gui neta, a pyen nak gui cu, “Bawipa nami pupa gui ah Khanpughi cu Judah gui ah khan ah m’lungshe neta nangmi ning hnim sak gui ci, cun ung phi nangmi naw akshe ah nami ngawn gui cu ani naw ng’yak ci.

NAHUM 3:19

Na khei m’tui nak vai a i kä om ci, na hmaleim phi kä khan hlawt ci. Nang ah di ah mawng ng’yak ciah chang avan naw, ami m’ya k’phyawk ne yeikyai ci gui. Kä ng’pyi hlawt ciah nang ah shetkat nak k’phyawn hning khai a u kä om ne ang?