JOHAN 9:4 - Cho Bible Common Language 2016

⁴ Kei na tüi lawk ciah ah bi cu kho adei yah ung mi bik khai. A u naw bi kä abi nak hlawt vai ah kho a münak gawk lawk khai.

JOHAN 9:4 Referans Kwoze

JOHAN 12:35

Bawipa Jesuh naw, “Akdei cu nangmi ung a shäng hta nei om ba khai. Kho hmüp naw kä a ning küp gui vai ah akdei ah om yah ung hteit hton vä; hmüp khui ung hteit hton ci naw ani ahawi lam a hteh ah kä hmat ci nei.

EPHESIAN 5:16

Tuhchü cu shekak ciah a khin ah kyak ci, cun ah kyasei, nami gah ah akhin k’ni phung cu, ak ni pi ah nami mang vai nei.

JOHAN 4:34

Bawipa Jesuh naw, ngami-am,” Kei ah ei awk cu, na tüi lawk ciah ang yak hlü ah om vai la abi pyi ne bi vai ah kyak ci.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

JOHAN 17:4

Khomdek khan ung kei naw na bämang nak cu kam dang pyi ci. Ka bi vai ah na na peit ah bi phi ka bi yawp pyi ci.

KOLOSE 4:5

Kä yum ci gui ah chang gui ah ng’lung ah nami hnünthawh ung nami cüivai lunglang vai nei. Akhin nami gah phung cu aknipi ah nami mang thei vai nei.

JOHAN 5:36

Cun ung phi Johan ah saksi ah däm pi ciah saksi nak kei ung om ci. Kapa naw na ap sei tuhbäi ka bilawh nak gui awn, kei cu Kapa naw ana tüih law ah mawng saksi cu dang ci nei.

JOHAN 10:32

Bawipa Jesuh naw, “Kapa naw na tüi täk sei, kei naw akni gui ka bi pyi ci, cun gui yung kaa a i ah phäh ah, kei lung awn nami na vawih hlü ang?” cik ci.

JOHAN 10:37

Kapa ah ng’yak hlü ah kä ka bi ung kä nami na yum vai, kabi ung kei kä nami na yum ung phi kabilawh cu nami yum vai.

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

JOHAN 5:19

Bawipa Jesuh naw, “Kei naw akcang ka pyein cu,’ A Htapa naw amät ah ngaih ah a i kä bi hning ci, Apa ah bi bi a hmuh ah mäih ah vah bi bik ci. Apa naw abi cu A hta naw phi acun ah bi ba ci.

JOHAN 7:33

Bawipa Jesuh naw cun ah chang gui-am,” Kei cu nangmi awn a täng ah ashäng hta bäng om ba netah, na tüi lawk ciah om nak ah ka hteit ba khai nei.

MATTHE 20:7

Ngami naw, ‘A u naw kä na ghüh gui sei nei,’ cine kyak ci gui. Cun kawn ah lo mah naw, ‘Ka sapyit lo ah hteit ne bi tu vä,’ cine kyak na gui ci.

MAKUH 3:3

Bawipa Jesuh naw a kut shuum ci-am, “Chang gui ah ma ah law ne ng’düi ä” cine pyen nak ci.