JOHAN 9:39 - Cho Bible Common Language 2016

³⁹ Bawipa Jesuh naw, “A mik m’dauh gui, ami mik m’dei ne amik m’dei ci gui ami mik m’dauh khai ah m’khoichaa nak ka bik khai, khomdek khan ah ka lawk ci” cik ci.

JOHAN 9:39 Referans Kwoze

JOHAN 3:19

Hma ci m’kat ne m’khoichaa nak ah mawng cu; akdei cu khomdek khan ah gawk lawk ci. Cun ung phi akshe ah om ci gui ah chang gui cun naw, akdei ah mä ak hmüp cu m’hni pi ci gui.

JOHAN 12:46

Kei cu m’dek khan ung akdei ah kya ne ka lawk ci, kei na yum ci cu kho hmüp khui ung kä om ba khai.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

1 JOHAN 2:11

Cun ung phi a phäi nau thüi nak ciah chang cu hmüp khui ung om ciah kyak ci; ani cu hmüp khui ung lula ci, cun ung phi a hawi lam a hteh kä hmat ci, a i ah kyasei ci ung hmüp nak naw ani ah mik cu m’dauh sak ci.

LUKA 4:18

“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

LUKA 1:79

Sihnak ah ang hnim ka ah om ci gui ah khan ah khankho ah akdei cu khang lawk khai, mikmi-am phi ding gei nak lam nam shüm gui khai” ciah kyak ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

2 KORIN 2:16

Chükmaih ci gui ah phäh ah cun ah ng’ui cu, sih nak ah kya ne, hun nak gah ci gui ah phäh ah cun cu ghin nak ah kyak ci. Cun ah kyasei cun ah mäih cu a u awn khinkha khai ang?

JOHAN 9:25

Ani naw, “Cun ah chang katnak abi la kä ah bi cu kä ka hmat ci, kei ka mik m’dauh man te ci, tuhbäi kam dei law bäng vah ka hmat ci” cik ci.

JOHAN 8:15

Nangmi naw chang ah ng’yak hlü bäng ah m’khoichaa nak nami bik ci; kei naw a u ah khan ah phi m’khoichaa nak kä ka bik ci.

JOHAN 3:17

Khanpughi naw A Htapa am kyum law cu, khomdek khan ah kat nak m’kat khai ah kä kyak ci, hun phiawn nak pek khai ah kyak ci.

LUKA 13:30

Cun ah kho hnüüp ung tuhbäi hnu ciah chang cu ma khai, tuhbäi ma ciah chang cu hnu khai” cine m’cäi gui ci.

LUKA 7:21

Cun yah ung Bawipa Jesuh naw chang akda cu gawpai nak natnak gui ung gai sak gui ne, khoshe phi k’täm ci, amik m’dauh phi m’dei ba sak ci.

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

MATTHE 6:23

Nami mik ui a mü ung nami pumsa avan hmüp yawp khai. Cun ah kia sei nangmi ung om ciah akdei cu, ak hmüp ah a kyak lä ung, cun ah hmüp cu anghtei ah mü ne hmüp khai nei.

ISAIAH 44:18

Cun ah chang gui cu aang aih u ne a i ami bi cu kä hmat ci gui. Düng nak kä ami hmuh vai ah ami mik m’shing ne, ami m’lung khai ci gui.

ISAIAH 6:9

Cun ah kyasei kei ka hteh vai ah na pyen ah neta, chang gui am shin ah ng’thu pe gui ci: “A i chü ah nami ngaih ung phi, kä nami hmat hlawt khai. A i chü ah nami teng ung phi. A i i ah kyak cicu kä nami hmat hlawt khai.”

2 THESSALONIAN 2:10

Di maih khai gui ah khan ah shetkat nak a hlü hlü cu bik khai. Cun ah chang gui cu di maih khai gui, a i ah kyasei ci ung ngami naw hun phiawn nak ah cacim cu kä m’hni u ne kä ami dou ah hmawk ah kyak ci.

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

EZEKIEL 12:2

“Hnicim Chang, nang cu ng’kuknet ciah chang gui ah ng’lung ah na om ci. Ngami cu ami mik om sei phi, a i kä hmuk ci gui; ngami cu ami hnga om sei phi, a i ka ng’yak ci gui, a i ah kyasei ci ung ngami cu ami küknet ah phäh ah kyak ci.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

JOHAN 12:31

Shin ah khomdek cu tuhbäi m’khawichaa nak gah pyi ci nei, khomdek khan uk ci cun phi tuhbäi htin lawk khai nei.