JOHAN 9:38 - Cho Bible Common Language 2016

³⁸ Amik m’dauh te ciah chang naw, “Bawipa, ka ning yum ci nei” ci ne Bawipa Jesuh ah ma m’khu khudong ne kyap ci.

JOHAN 9:38 Referans Kwoze

MATTHE 28:9

Acun yah ung Bawipa Jesuh cu a mi ma ah dang law ne “Nangmi ah khan ah ding gei nak om sä,” cine kyak ci. Cun ah hnumi gui naw a pei ah k’et u ne, a kho ung k’pang u netah, khawihnah ci gui.

MATTHE 14:33

Hleiko khan ah om ciah ang düihpüi gui cu Bawipa Jesuh ah kawp ne ngüm yawp u netah, “Nang cu akcang ah Khanpughi ah Htapa ah na kyak ci nei,” cik ci gui.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

LUKA 24:52

Ang düihpüi gui cu ang htei ah yeikyai ne Bawipa Jesuh ah taigü u netah, Jerusalem ah hteit ba u ne;

MATTHE 28:17

Ngami naw Bawipa Jesuh cu hmu u netah, kawp ne khawihnah ci gui. Cun ung phi amshah gui naw, kä ngaih gep ci gui.

SAM 45:11

Nang ah na kyom cu ghangpughang naw m’hni khai nei; Ani cu na bawi ah kyak ci, cun ah kyasei na ngaih vai.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

MATTHE 8:2

Cun sang ung kheilei ung gaw ciah chang tumat cu, Bawipa ah ma ah m’kuukdoong netah, “Bawipa na ng’yak hlü a om ung kei ah gaw nak cu na theek sak ä,” cik ci.

JOHAN 9:39

Bawipa Jesuh naw, “A mik m’dauh gui, ami mik m’dei ne amik m’dei ci gui ami mik m’dauh khai ah m’khoichaa nak ka bik khai, khomdek khan ah ka lawk ci” cik ci.