Biblia Todo Logo
Bib sou entènèt

- Piblisite -




JOHAN 9:34 - Cho Bible Common Language 2016

34 Ngami naw, “Nang cu nanupuk ung katnak awn nang vai lawk ciah kia lang ne, keimi na nam thein gui ci ma, cine pum im ung kaa k’täm ci gui.

Gade chapit la Kopi




JOHAN 9:34
34 Referans Kwoze  

Cun ah ami pyein cu Jew chang vai gui naw, Bawipa Jesuh cu Messiah nei, ciah yum ciah chang phung pum nak ung kaa, k’täm vai ah amik bäi pyi ah kyasei, acun ami kyih ah hmawk ah kiak ci.


Angdüihpüi gui naw, “Sayapa, shin ah chang a mik m’dauh cu amät ah katnak ah phäh ah ang? Anupa ah katnak ah phäh ah ang?” cine ng’shik ci gui.


Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.


Kei naw akcang ka pyein cu, akhmawhta ah mäih ah kä yum ciah chang phung cu Khanpughi ah uknak kho ah kä lut hlawt khai nei,” cine m’thein gui ci.


Kei cu ka ng’tüi law ge ung ka shetkat ci, ami na käu nak ge ung ka cheishoh pyi ci nei.


Khanpughi täng ah ka naw teng ung ng’düng ciah chang ng’ciim ciah chang a u om khai aw?


Cun ung phi ngami naw, “Nang a hei ah hteit ä, nang cu omktu nei! Nang naw a i na pyen vai ang? A hei ah hteit ä, ngani ah mä she pi khai ah nang ah khan ah kami bi lawk khai nei” ci u ne, Lotah cu hneet u ne, m’kawt gäi ne lut lawk khai gui ah ng’tawn lawk ci gui.


Cun ah m’hnüt nak ah kyak ciah khiküi ah ming, kä cun ung ang ming dang sak ciah khei nak, awn kä ami m’hnüt tu ah chang phung cu sumlei ng’dong’pe ne kä gah tuk ci.


Kei naw khrithabum-am ca gu ne ka pek ci, cun ung phi ami ng’vaihta Diotrephes naw kei ah thu cu kä ngai ci nei.


Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.


Zanä mikmi phi ngami ah mäih ah mi kya man ci. Pumsa ah ng’yak hlü ah mi om ne, pumsa la m’lungngaih ah ni vai düt ah mi bilo man ci. Mikmi cun phi pumsa lam ung, a hei chang gui ah mäih ah Khanpughi ah m’lungshe nak gah khin ciah mi kyak ci.


Keimi cu Jew chang ah kami ng’tüi lawk ci, katnak bik ciah khui hei chang gui ah kä kami kyak ci.


Bawipa Jesuh a pei ah om ciah pharise gui naw, Bawipa Jesuh ah ng’thu cu ng’ya u netah, “Keimi mä kami mik m’dauh ciah na pyein ci ma?” cine ng’shik ci gui.


Cun ah a mik täm kawn ah ani cu Bawipa Jesuh naw hmu ba netah, “Nang naw chang ah Htapa na yum ci ang?” cine ng’shik ci.


Nangmi läi nami pa ah bi ah mäih ah nami bi ba ci” ci na gui ci. Ngami naw, “Keimi ung Khanpughi bäng kami pa om ci, keimi cu ani ah na hta gui nei” cik ci gui.


Kapa naw a na ap ah chang phung cu kei ah lawk khai gui. Kei ah lawk ciah chang phung cu a u phi kä ka m’hlat ba khai.


Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.


Thukhän saya tumat naw, Sayapa, nang naw cun ah na pyein cu, keimi na na k’shedam nak gui ah kyak ci” cine pyein ci.


“Chang ah Htapa ah hmawk ah chang gui naw, ami ning hnu ng’tuk püi gui ung, ami ning nawng gui ung, changshe ah ami ning pyein gui ung, nami yeikyai vai,


Cun kawn ah ngami naw chang hei gui am, “Keimi kä na k’et gui vä; keimi kami theing cim aih ci kya sei, kä na tawn en gui vä! Kei naw shin ah mäih chang gui cu kä ka m’gein gui khai-ngami hnu ng’tuk püi ciah kei ah ka m’lungshe nak cu kä phät hlawt ciah mei k’däi ah mäih ah kyak ci nei.


Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.


Sheka pikbäih ciah ak gu aang pang cu, amät kä cüivai mui neta, cüivai ciah ngai ciah ta bä tuba ci.


Chang omshe gui cu nami nawt heng vai, Cun kawn ah ng’cuh vah nak, ng’vokshan nak, ming m’shet nak gui kä om ba khai.


Kä theingthap cicu angtäi sei kä theingthap ciah chang ungka lawk ci nei.


Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”


Cun ah chang naw, “A u naw ang nang cu uktu la suki ah a ning hmoh? Egypt chang na ngawn ah mäih ah kei na na ngawn hlük ci ma?” cik ci. Moses cu kyi neta amät ng’htau ne, “Kei ah ka bi cu chang gui naw hmat ci gui kyak ci nei” cik ci.


Kei ka law ung ani ah bilawh gui phung cu ka ning m’thein gui khai nei. Ani naw mikmi cu kä na yei nah gui ne, nam hleei gui ne thu pyein ci nei. Cun bäng ah kä kyak ciah, Khritha phäi nau gui ami law ung kä dou gui ci, dou gui hlük ciah chang gui phi maa nah gui ne, khrithabum ungka k’täm gui vai ah phi k’tha nak ci nei.


Swiv nou:

Piblisite


Piblisite