JOHAN 9:31 - Cho Bible Common Language 2016

³¹ Khanpughi naw katnak bik ciah taigü kä ngai ci, Khanpughi kyih-aa ne ang yak hlü ah bik ciah chang ah taigü vah ngaih pek ci.

JOHAN 9:31 Referans Kwoze

NG'THU K'THUUK~ 15:29

Changni ah taigu cu Bawipa naw ngaih pek ci, cun ung phi changshe gui cu nawng gui ci.

ISAIAH 1:15

“Nangmi naw taigü nak ung nami kut nami shäng ung, Kei nan kä ka ning teng gui khai nei. A i Chü ah nangmi nami taigü ung phi kei naw kä ka ngai khai nei, a i ah kyasei ci ung nami kut cu si naw k’plüm ci nei.

NG'THU K'THUUK~ 28:9

Thukhän kä na läk ah a kyak ung nang ah taigü cu Khanpughi naw teng ne thüinak aih vai ah ng’yak ci.

MIKHAH 3:4

Bawipa ah nami ng’paa nak vai ah a khin gawk lawk ci, cun ung phi ani naw kä ning m’shang gui khai. Akshe nami bik ci kyasei nami taigü cu kä ngai khai.

SAM 145:19

Ani m’tamkhah ci gui ah ami ng’yak hlü cu petak gui ci; Ani naw ami kyah cu ng’ya ne hun gui ci.

ZEKHARIAH 7:13

A i ah kyasei ci ung ka ng’thu cu ngami naw kä ngai ci gui, ngami ah taigü phi kei naw kä ka m’shang gui ci.

NG'THU K'THUUK~ 21:13

Dukhaih ciah chang ah kyah kä na ngaih hlü ah a kyak ung, ami ning m’htei vai ah na mät naw kyap ne na ng’yoih cu a u naw kä ng’yak khai.

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

EZEKIEL 8:18

Ngami naw kei ah m’lungshe nak akbe ah gah khai gui. Kei naw ngami kä ka k’phiawn gui khai, chimgein nak kä ka m’dang gui khai. Ngami cu ami m’lau hning ah m’lau u ne kei ah taigü khai gui, cun ung phi kei naw kä ka ngai gui khai.

JOHAN 4:34

Bawipa Jesuh naw, ngami-am,” Kei ah ei awk cu, na tüi lawk ciah ang yak hlü ah om vai la abi pyi ne bi vai ah kyak ci.

SAM 18:41

Ngami kyap ne ng’hui ci gui, cun ung phi u naw kä m’htei gui ci, Bawipa khü ci gui, cun ung phi kä m’shang gui ci.

JOB 42:8

Tuhbäi vantang chih la htome amca chih cu Joba ah law püi u ne, nami mät ah phäh ah khawihnah nak ah nami dou thak vai. Cun ung Joba naw ning taigü pe gui khai, ani ah taigü kei naw ka m’shang khai, nami om ah ciah kä ning ng’thumcha gui khai. Nangmi naw ani ah mäih ah kei ah mawng akcang kä nami pyen ci.”

JOB 35:12

Ngami cu am gein gui vai ah kyap m’lau ci gui, cun ung phi Khanpughi naw kä m’shang gui ci. Cun cu chang ah ng’shei ne chang omshe ah ami kyak ah phäh ah kyak ci.

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

JEREMIAH 11:11

Cun ah kyasei thubäi, kei Bawipa naw thu ka k’bäi gui cu, kei naw di nak cu ami khan ah ka law püi khai, ngami cu kä phyawng khai gui. Ngami naw kei naw ka m’htei gui vai ah ami k’thäh ah a kyak ung kei naw kä ka ngai gui khai.

ISAIAH 58:9

Nami k’taigü ung ka ning m’shang gui khai, nami na khü ung ka äi khai. “Zawhnem nak, tawk ne shedam nak lo thu she gui cu.

SAM 143:10

Nang cu ka ning Khanpughi nei; na ng’yak hlü bi vai ah na m’htei ä. Kei ung ni ne, phyawn nak ah lam cu na m’shüm ä.

ATÜNNAK 20:7

Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

ATÜNNAK 19:29

Khanpughi naw Lotah ah om nak ah khaw ng’nawi ung mang gaw gui cu amdi yah ung, Abraham cu amlung ung shüm ba neta Lotah cu phyawn sak ci.

SAM 106:23

Khanpughi naw a chang gui cu m’di gui khai ah pyen khäta, a ghü ah ak changshäm Moses naw, ng’düi law ne pyen tu ba sei, Am di nak gui vai ah am lungshe nak cu k’üüp ci.

SAM 99:6

Moses la Aaron cu a taigüpa goi ah kyak ci, Samuel cu ani ah taigü ciah kyak ci; Ngami naw Bawipa cu khü u sei, Ani naw m’shang gui ci.

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

HEBRU 10:7

Cun ah kyasei thukhän ung kei ah mawng ami guk ah mäih ah, “O Khanpughi, Na ng’yak hlü ka bik khai ah, shin ung ka om ci nei, cine ka pyein ci,” ciah kyak ci.

THULÄÄN NAK 1:45

Cun ah kyasei a ning m’htei gui vai ah Bawipa nami khü ci, cun ung phi ani naw kä ning ngai gui ci, a i ah kä ning tä gui ci.

JOB 35:13

Ngami kyap ne ami m’lau cu a kholä ah kyak ci, M’gäi ciah Khanpughi naw kä hmu ng’ya gui ci.

JOHAN 9:30

Ani naw, “Nangmi naw ani a hawi kaa lawk ciah kä nami hmat ung phi, ani naw kei ah mik nam dei sak pyi ci nei” ci na gui ci.

JOHAN 9:32

Cau puyin ung tün ne, anupuk ung amik m’dauh ci m’dei ba sak ci, ci cu kä mi ng’ya man ci.

JOHAN 11:22

Cun ung phi nang Bawipa naw nang yoih ung, Khanpughi naw ning pek khai ah, kei naw ka hmat ci nei,” cik ci.