JOHAN 9:29 - Cho Bible Common Language 2016

²⁹ Khanpughi naw, Moses am thu am thein cu kami hmat ci, cun ung phi shin ah chang a hawi kaa a law ah kä kami hmat ci” cik ci gui.

JOHAN 9:29 Referans Kwoze

JOHAN 8:14

Bawipa Jesuh naw, “Kei naw ka mät ah mawng ka saksi cu, ngaih gep ci. A i ah kyasei ci ung, a hawi lam ah kaa law ne, a hawi lam ah hteh ba vai cu kei naw ka hmat ci, Nangmi naw a hawi lam ah kaa law ne, a hawi lam ah hteh ba vai cu kä nami hmat ci.

LAMKTU 26:22

Cun ung phi tuk ngawi ung khüt khai ah Khanpughi naw nam htei sei, ak pyam, ang mang, chang khli ah ma ah, ka saksi ci nei. Moses la prophet gui ah ng’thu pyein ah mäih bä bä ah;

LAMKTU 22:22

Chang gui naw Paul ah thu cu shin ah thu a pyein güt ngai u netah, “shin ah chang m’dek khan ah kä om tu ba sä, ngawn vä, a ghin tu ba ah kä nik ci nei” cine m’lau ne ng’pyang ci gui.

LAMKTU 7:35

Moses cu Israel chang gui naw ami hnu nak ah chang ah kyak ci. Ngah mi naw, “Keimi na uk gui neh na na ng’thumcha gui khai ah a u naw a ning m’düih ang?” cine, ng’shik ci gui. Ani cu chang gui uk gui neh mei ah däi ciah k’plup ung dang ciah khankho chang ah bi nak püi awn, ak chang gui k’phiawn gui khai ah Khanpughi ah tüih ah kyak ci.

JOHAN 9:24

Pharise gui naw, amik m’dauh te ciah chang cu khü ba mä u netah, “Khanpughi ah ma ah thukhän ne, düng nak awn na pyein vai, namik ning m’dei sak ba ciah chang cu katnak bik ciah kami hmat pyi ci” ci nak ci gui.

JOHAN 9:16

Pharise am shah naw, “Ani cu kyin nak thukhän kä ngai ci, Khanpughi ah kaa lawk ciah kä kyak khai” cik ci gui. Am shah naw, “Kat nak abi ah a kyak ung cäi aih vai gui kä bi hning khai sü te” cik ci gui. Cun ah kyak ne ngami cu ami ngaih ng’pai lawk ci.

JOHAN 7:27

Messiah cu a law ung a hawi ah kaa lawk ciah a u naw kä hmat khai, cun ung phi shin ah chang ah a law nak cu a u naw phi mi hmat ci nei” cik ci.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

LUKA 23:2

Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

MATTHE 26:61

Ak hnu ah chang hnih cu ng’düi law ni netah, “shin ah chang naw, kei naw Khanpughi ah pum im cu, gäi netah, hnüüp thum ah kyong ung ka cou ba hning ci cik ci nei, cine saksi ci goi.

MATTHE 12:24

Cun ami cicu pharisee gui naw ng’ya u netah, “Shin ah chang naw khoshe gui ah bawimang Beeyebul ah ming awn nei khoshe gui cu ak täm hning,” cine kyak ci gui.

MALAKHI 4:4

“Ka changshäm Moses ah m’theithang cu nami shüm ba vai, cun cu Israel chang avan naw a läk vai ah Kei naw Sinai M’htung ah khan ah ka pek ah thukhän la thumkhän gui ah kyak ci.

SAM 106:16

Bungpuk ah Moses la Bawipa ah changshäm theing Aaron ah khan ah ngami cu m’thüi ci gui.

SAM 105:26

Cun kawn ah a ghü ah ak changshäm Moses la Aaron cu tüi goi ci.

SAM 103:7

Ani naw a pawng püi gui cu Moses am m’dang ne, m’gäi ciah a hnün thawh nak gui cu Israel chang gui am hmuh sak gui ci.

SAM 22:6

Kei cu chang ah kä ka kya ci; m’kyiit ah ka kya ci, chang ah päipih, shemshai ah ka kyak ci!

2 GHANGPUGHANG GUI 9:11

Jehu cu apaw gui bawi gui ah hteit ba khäta, ami ng’shi cu, “A päng avan cu bä ne ang? Cän ah chang gu aang naw a i ang ang yak hlü?” Jehu naw, “Ani naw ang yak hlü cu nangmi naw nami hmat ci” ci nak ci.

1 GHANGPUGHANG GUI 22:27

Ani cu pang ne chum ne, kei phyawng gai ne ka gawk law ba güt ung m’htut m’bei ne tui nami tu vai nei” cik ci.

THULÄÄN NAK 34:10

Israel khaw ung Moses ah mäih ah prophet cu kä om phung man ci. Bawipa naw ani cu hmai chum ne ng’thu püi ci.

KHEI NAK 16:28

Moses naw chang gui am, “Shin ung nangmi naw nami hmat vai cu, Bawipa naw kei cu shin gui avan bi vai ah ana tüih ah kyak ci. Shin gui ka bi cu ka mät ah ngaih ah ka bi ah kä kyak ci.

JOHAN 7:28

Taigü im ung m’theithang gui ne a om yah ung Bawipa Jesuh naw, “Nangmi naw kei cu nami na hmat ci, a hawi ah kaa ka law phi nami hmat ci. Cun ung phi kei cu ka mät ah ngaih ah ka lawk ciah kä kyak ci, kei na tüi lawk cicu düng nak awn kümbe ci, ani cu nangmi naw kä nami hmat ci.

JOHAN 9:30

Ani naw, “Nangmi naw ani a hawi kaa lawk ciah kä nami hmat ung phi, ani naw kei ah mik nam dei sak pyi ci nei” ci na gui ci.

HEBRU 1:1

Caä Phanpughi naw, akda vei, a mawng a hei hei awn, profet gui ung, mi pupa gui am thu m’shäk law man ci.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.