JOHAN 9:22 - Cho Bible Common Language 2016

²² Cun ah ami pyein cu Jew chang vai gui naw, Bawipa Jesuh cu Messiah nei, ciah yum ciah chang phung pum nak ung kaa, k’täm vai ah amik bäi pyi ah kyasei, acun ami kyih ah hmawk ah kiak ci.

JOHAN 9:22 Referans Kwoze

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

JOHAN 7:13

Cun ung phi Jew chang vai gui cu kyi u netah, a u naw phi ang dang ah kä pyeinsak ci.

LUKA 6:22

“Chang ah Htapa ah hmawk ah chang gui naw, ami ning hnu ng’tuk püi gui ung, ami ning nawng gui ung, changshe ah ami ning pyein gui ung, nami yeikyai vai,

JOHAN 9:34

Ngami naw, “Nang cu nanupuk ung katnak awn nang vai lawk ciah kia lang ne, keimi na nam thein gui ci ma, cine pum im ung kaa k’täm ci gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

LAMKTU 5:40

Kawngsi ng’vai gui naw Gamaliel ah ng’thu cu ngai u netah ang düihpüi gui cu khü gui ci gui. Cun kawn ah that gui u netah Bawipa Jesuh ah ng’ming awn ng’thu kä ah mi pyein nen ba vai ah, khen neh m’cäi gui netah tüi ba gui ci gui.

LAMKTU 5:13

Chang gui naw ngami cu m’hlüng m’tai gui pang u ne phi a u phi ngahmi ung a yäi ah kä ng’läk tuk ci gui.

LAMKTU 4:18

Cun kawn ah ang düihpüi gui cu khü ba gui u ne tah Jesuh ang ming awn a i phi kä ami pyein sak, m’thei thang ba gui vai ah khen neh m’cäi gui ci gui.

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

JOHAN 19:38

Cun kawn ah Arimathea ah kaa Josef cu Pilat ah hteit ne, Bawipa Jesuh ah gook cu a lak sak vai ah pyein ci. (Josef cu Bawipa Jesuh ah ang khah püi ah kyak ci, cun ung phi Jew chang ng’vai gui kyih gui ne a düm ah ng’läk tuk ciah kyak ci.) Pilat naw hlawt sei, Bawipa Jesuh ah a gook cu Josef naw la ne hteh püi ci.

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

JOHAN 1:19

Jerusalem kho ah Judah ng’vai gui naw, taigü gui la Levit gui cu Johan ah tüi law u netah, “Nang cu a u ang?” ciah ng’shi sak gui ci gui.

JOHAN 9:18

Cun ung phi Jew chang vai gui naw, ani amik am dauh te tuhbäi am dei law ba cu kä yum u netah, anupa gui khü ne ng’shik ci gui.

JOHAN 9:21

Cun ung phi a i chaa ah amik am dei law ba la a u naw amik am dei ba sak cu, keimi naw kä kami hmat ci nei, ani ng’vai law pyi ci kiasei amät ng’shi vä, amät naw hmat khai nei” cik ci gui.

JOHAN 9:35

Cun ah a mik täm kawn ah ani cu Bawipa Jesuh naw hmu ba netah, “Nang naw chang ah Htapa na yum ci ang?” cine ng’shik ci.