JOHAN 9:2 - Cho Bible Common Language 2016

² Angdüihpüi gui naw, “Sayapa, shin ah chang a mik m’dauh cu amät ah katnak ah phäh ah ang? Anupa ah katnak ah phäh ah ang?” cine ng’shik ci gui.

JOHAN 9:2 Referans Kwoze

LUKA 13:2

Bawipa Jesuh naw, “Cun ah chang gui cun ah ami ngawn gui cu, a hei Kalile chang gui ah mä katnak bi pi ci gui ah nami ngai ci ma? Ngami cu katnak bi pi ci gui ah kä kyak ci nei.

JOHAN 9:34

Ngami naw, “Nang cu nanupuk ung katnak awn nang vai lawk ciah kia lang ne, keimi na nam thein gui ci ma, cine pum im ung kaa k’täm ci gui.

LAMKTU 28:4

Cun ah htui ne ang bah nak cu, cun ung om ciah chang gui naw hmu u netah, “Shin ah chang cu chang ngawn ciah kyak khai, tuinu ung kä si ne a phiawn ung phi, ng’düng nak naw ani kä ghin sak ci” cine ami mät ng’htau ci gui.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

MATTHE 16:14

Ang düihpüi gui naw, “Chang amshah naw ‘Tuihnim Johan’ cik ci, amshah naw, ‘Elijah’ cik ci, amshah naw Jeramaih kä cun ung profet ah kyak khai,’ cine pyein ci gui nei,” cik ci gui.

MATTHE 23:7

Sumlei hmun gui ung phi chang gui naw ami chang m’sui vai ng’ya hlük ci gui. ‘Sayapa’ ciah chang naw a khü gui vai m’hni ci gui.

MATTHE 23:8

Cun ung phi nangmi nami van cu ng’phäi nau gui ah nami kyak ci kia ne nangmi ung sayapa tumat bäng om ci kyasei, ‘Sayapa’ ciah khü vai kä nami ng’yak hlü vai.

JOHAN 4:31

Acun yah ung angdüihpüi gui naw, “Sayapa, ei ei toä” cik ci gui.

JOHAN 9:1

Bawipa Jesuh a hteh shüi shüi nak ah anupuk ah amik m’dauh ciah chang cu hmuk ci.