JOHAN 9:16 - Cho Bible Common Language 2016

¹⁶ Pharise am shah naw, “Ani cu kyin nak thukhän kä ngai ci, Khanpughi ah kaa lawk ciah kä kyak khai” cik ci gui. Am shah naw, “Kat nak abi ah a kyak ung cäi aih vai gui kä bi hning khai sü te” cik ci gui. Cun ah kyak ne ngami cu ami ngaih ng’pai lawk ci.

JOHAN 9:16 Referans Kwoze

JOHAN 10:19

Cun ah a ng’thu ah phäh ah chang gui ami ngaih ng’pai ba mä ci.

JOHAN 7:43

Cun ah kyasei Bawipa Jesuh ah mawng pyein ne chang gui ami ngaih ng’pai yawp ci.

JOHAN 7:12

Chang akda naw ani ah mawng cu adüm düm ah pyeinsak ci gui. Amshah naw, “shin ah chang cu changninei” cik ci. Amshah naw, “Chang ni ah kä kyak ci, chang m’hleehlak ciah chang nei” cik ci gui.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

MATTHE 12:2

Cun cu pharisee gui naw hmu u netah, “Teng shüm ä, na düihpüi gui naw kyin hnüüp ung ami bilawh cu ng’thukhän awn hnu ng’tuk ci nei,” cik ci gui.

JOHAN 15:24

Kei naw ngami ah ma ah a u ah kä bi man gui kä ka bi vai sü ung, ngami ah katnak kä dang khai süte. Tuhbäi ngami naw kei ah bi gui cu hmu u netah, kei la Kapa cu na gen goi ci gui.

JOHAN 14:11

Kei kapa ung ka om ci, Kapa kei ung om ci, ka cicu yum vä. Kä nami yum ung ka bi gui cu teng netah yum vä.

JOHAN 9:24

Pharise gui naw, amik m’dauh te ciah chang cu khü ba mä u netah, “Khanpughi ah ma ah thukhän ne, düng nak awn na pyein vai, namik ning m’dei sak ba ciah chang cu katnak bik ciah kami hmat pyi ci” ci nak ci gui.

JOHAN 6:52

Cun ci khätah chang gui naw, “A i hawkchaa ah ani naw mi ei vai ah asa na pe gui khai ang?” cine m’lungshe ne ng’cuh ci gui.

JOHAN 5:36

Cun ung phi Johan ah saksi ah däm pi ciah saksi nak kei ung om ci. Kapa naw na ap sei tuhbäi ka bilawh nak gui awn, kei cu Kapa naw ana tüih law ah mawng saksi cu dang ci nei.

LAMKTU 14:4

Cun ah gawnu ung om ciah chang gui cu k’hnih ah ng’pai ci gui, am shah cu Judah chang gui lam ah kya tuk ci gui, amshah cu Ang düihpüi gui lam ah kya tuk ci gui.

MATTHE 12:10

Pum im kyong ah a kut vangtäng shum ciah chang tumat om ci. Bawipa Jesuh naw katnak abi vai cu däät ne m’kat hlük ciah chang gui naw, “Kyin hnüüp ung gaw nak gai sak hning vai ang?” cine ng’shik ci gui.

LUKA 13:14

Cun ah Bawipa Jesuh naw pum hnüüp ung ak gaw am gai ba ah, phäh ah pum im ngäng cicu m’lung k’she netah, “Bi bi nak vai kho hnüüp chuk om ci. Acun yah ung law ne gai nak nami ng’yoih law vai, Pum hnüüp ung kä nami law-en vai,” cine chang gui am pyen na gui ci.

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.

JOHAN 5:10

Cun ah kyak sei Jew chang ng’vai gui naw, “A u naw a ning gai ba sak ang? thu ngawi cu kyinnak hnüüp ah kyak ci, na yih phah la ne na law ba cu thukhän nak kaan ciah kyak ci” cine kyak nak ci gui.

JOHAN 7:23

Akhmaw tumat kyin hnüüp ung vun-aat ne kyon ah hmawk ah Moses ah thukhän kaan ah kä ah kyak ung; a i ah kyasei kyin hnüüp ung akgaw ka gai sak ah hmawk ah nami m’lungshe ang?