JOHAN 8:7 - Cho Bible Common Language 2016

⁷ Ngami naw cun ah leng ba ba ne ng’shi laih u khäh tah, Bawipa Jesuh naw, “Nangmi ungka ah ma katnak kä om ciah chang naw, ani cu lung awn vawi law ma sä” cine pyen na gui ci.

JOHAN 8:7 Referans Kwoze

KOLOSE 4:6

Nami ng’thu pyein phung cu yeikyai nak vai la ngaih hlü vai ah kia sä. Chang nüng ah ng’thu a i chaa ah ng’düng khai ah m’hlan ba thei vai cicu nami hmat kheng geng vai nei.

THU PHLAAN 2:16

Tuhbäi nami katnak ung ng’yu ba vä! Kä nami ng’yu ba ung kam gawng ung lut lawk ciah vang ah vei ghaat ciah khim awn ka ning tu gui khai nei.

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

JOHAN 7:46

Gakap gui naw, “A u chang naw phi shin ah chang ah mäih ah ng’thu kä pyein man ci nei” cik ci gui.

JEREMIAH 23:29

Kei ah ng’thu cu mei ah mäih ah kyak ci, lung khui khai ah shuk ciah ng’kii ah mäih ah kyak ci.

NG'THU K'THUUK~ 12:18

A i kä ngaih ah ng’thu düt naw khim awn tawk ah mäih ah nat sak ci. Cun ung phi cai ciah ng’thu naw gai nak pek ci.

JOHAN 8:8

Cun kawn ah kawp ne m’dek chüüt ne ngoh ba ci.

JOHAN 8:10

Bawipa Jesuh cu täu law ba netah, cun ah hnumi am, “Ahawi ang ami hteh yawp, nang na katnak ning m’khoichaa pek khai, tumat phi kä om ba ne ma?” cine pyen nak ci.