JOHAN 8:6 - Cho Bible Common Language 2016

⁶ Ngami naw Bawipa Jesuh cu m’kat hlü guih u netah, a i ah a pyein law hman ah cine, ami m’nüm nak ah kyak ci. Cun ung phi Bawipa Jesuh cu kawp netah, a kut khiu awn m’dek chüüt ne gu ne ngok ci.

JOHAN 8:6 Referans Kwoze

JEREMIAH 17:13

Bawipa, nang cu Israel gui ah ngaih u ah na kyak ci; Nang ning nawng ciah chang avan cu lü ng’aa nak ung gawk khai. Ngami cu m’vut ung guk ah ming ah mäih ah maih khai gui. A i kyasei ci ung Tuici lawng ah na kyak ciah nang Bawipa ami ning nawng ah phäh ah kyak ci.

LUKA 10:25

Thukhän saya tumat cu Bawipa Jesuh ah pei ah law netah, “Sayapa, angtäi ghin nak ka gah vai ah a i ang ka bi kaw?” cine a phawtcam nak ah ng’shik ci.

MATTHE 19:3

Pharisee gui cu a pei ah law u netah, ami phawtcam nak ah, “Chang tumat cu a i ah a mawng awn phi bäi, ak chu awn ng’chaa hning ci goi ang?” cine ng’shik ci gui.

AMOS 5:10

Nangmi chang gui naw kä taga ci m’taga ne, mang ah m’kawt ung düng sei ng’thu cicu nami thüi nak ci.

THUSHÄUTU 3:7

K’teh nak ah a khin om ne, chui ba nak ah khin om ci; Düm ah om nak ah a khin om ne, ng’thu htau nak ah a khin om ci;

1 KORIN 10:9

Mikmi naw chang amshah gui ah mäih ah Bawi Khrih cu kämi phawtcam men vai, ngami cu k’phyu naw k’dawk gui sei si yawp ci gui.

MAKUH 10:2

Cun yah ung Pharisees gui cu law u ne, “Chang naw amät ah chu cu ng’chaa püi hning khai, ciah thukhän ung om ne ang?” cine thuvi ne ng’shik ci gui.

MAKUH 8:11

Pharisee amshah gui cu law u netah, Bawipa Jesuh cu ng’kütneet ne ng’cuhcan püi ci gui. Ngami naw ami thuvi nak awn, “Khanpughi naw a ning m’hni nak saksi dang khai ah cäi aih vai tumat cu m’dang law shüm ä,” cine thäh ci gui.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

MATTHE 22:35

Ngami ungka thukhän saya tumat naw, thuvi ne ngaihtüh netah;

MATTHE 22:18

Cun ung phi Bawipa Jesuh naw ngami ah shekat ciah ami ngaihtüh cu hmat netah, “Thuvi chang gui, a i ah kyasei nangmi naw thuvi ne nami nang shi ang?

MATTHE 16:1

Pharisee gui la Sadducee gui cu Bawipa Jesuh ah pei ah law u netah, ami phawtcam nak ah, Khanpughi a tüih law ah mawng cäi aih vai cu am dang vai ah k’thäh ci gui.

MATTHE 15:23

Cun ung phi Bawipa Jesuh naw a i ah phi käm shang ci. Ang düihpüi gui cu a pei ah law u netah, “Shin ah hnumi cu mi hnu ah na läk law gui ne, pamcai ci nei, yüi ne gawt ba ä,” cine pyein ci gui.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

AMOS 5:13

Cun ah kya sei, cun ah akshekha ah khin ung düm ah om cu akbä ah bii bi ah kyak ci.

DANIEL 5:5

Ang ghit ah chang ah kut cu dang law ne, mang-im paang ung ca gu lawk ci. Cun cu mei däi ah akhang nak pi ung ah kuyak ci. Ghangpughang naw cun ah ca guk ciah kut cu hmuk ci.

NG'THU K'THUUK~ 26:17

Na mät ah mawng ah kä kyak ci lut ne na ng’cuhcan tu cu lam ung hteit neta ui ak hnga ung paang ne kaih ci awn täng ci.

KHEI NAK 14:22

Shin ah chang a u phi cun khaw ung lut khai ah kä ghing khai gui. Ngami naw pyü ne ng’shü ciah ka ghin om cu hmu pyi ci gui. Egypt la bungpuk ung cäi aih vai ka m’dang cu hmu pyi ci gui. Ngami naw kei ah m’lung sau nak cu leng ba ba ne na k’tek u na, kei ah ng’thu ami läk vai ah mak ci gui.

ATÜNNAK 49:9

Judah cu phawngkawng ah mäih ah kyak ci. Sa gui lo ne a hta gui ah law ba ci. Ng’zeet ne ng’baw ne ng’yän ci. A u naw kä aw-am ci.

JOHAN 8:2

Cun ung phi Bawipa Jesuh läi cu Olive m’htung ah kai ci. A ngawi ung kho ngawi hta ah Taigüim ah hteit ba ne chang gui akda law u sei, ngo netah m’theithang gui ci.

LUKA 11:16

Chang amshah naw, ami phawtcam nak ah, “Khanpughi ah cäicat vai tumat m’dang law ba ä” cik ci gui.

MAKUH 12:15

Bawipa Jesuh naw ngami ah phawtcam nak cu hmat netah, “Nang mi naw a i ah kyasei kei ka shetkat vai ah nami ng’yak hlü ang? Tangka tumat ka teng vai law püi vä” cine kyak na gui ci.

SAM 39:1

Kei naw, “Kei naw ka bi phung cu geing na ne ka bik khai nei, ka ng’thu awn phi kä ka cheishoh khai nei; Changshe gui ka pei ah ami om yah ung a i ng’thu phi kä ka pyen khai nei” ka cik ci.

MAKUH 3:2

Cun ung om ciah chang gui naw Bawipa Jesuh ah a katnak cu hmu hlü u netah, kyin hnüüp ung cun ah a kut shuum ciah chang cu a gai sak la kä a gai sak ah teng kheng ci gui.