JOHAN 8:58 - Cho Bible Common Language 2016

⁵⁸ Bawipa Jesuh naw, “Kei naw akcang ka pyein cu, Abraham kä ang tüi pha ung kei ka om pyi ci nei” ci na gui ci.

JOHAN 8:58 Referans Kwoze

PHYAWN NAK 3:14

Khanpughi naw, “Kei cu Kei ah ka kyak ci” cicu na m’thein gui vai. ‘Kei ah ka kyak ci’ cik ci naw ana tüih law nei, na ci vai.

KOLOSE 1:17

Angtüi avan kä a om pha ung Bawi Khrit cu om pyi ci. Ani ung kawng ät nak awn ang tüi avan cu ami om nak vai om sek sek ci.

JOHAN 17:5

Kapa! Khomdek kä ang tüi pha ung nang awn a täng ah ka gah ah bämang nak cu, tuhbäi kei-am na yuk pe lawä.

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

THU PHLAAN 1:8

“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

JOHAN 17:24

O Kapa! Khomdek kä ah ng’tüi pha ung nang naw na na peit ah bämang nak cu, kei-am nang naw na na ap ah chang gui naw, ami hmuh tu vai ah ngami cu kei awn na om sak gui ä.

ISAIAH 48:12

Bawipa naw pyen ci, “Kei cu na ngai vä, ka chü ah chang Israel gui! Kei cu khanpughi, tün nak la khüm nak nei, kei bäng khanpughi nei!

THU PHLAAN 2:8

“Smirna Khrithabum ah khankho chang-am ca peit law nei; “Shin ah ca cu tün nak la khüm nak ah kya ne, sihnak ung ka tho ba ciah m’cäi nak ah kya ci.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

ISAIAH 43:13

Kei cu khanpughi nei, ang täih ah a cun ah ka kyak khai nei, kei ah ka huham ung ka, a u kä phyawng hlawt khai, kei ah ka bi cu a u naw kä m’thawng hlai hlawt khai.”

ISAIAH 46:9

Cau a i ah kya man ci cu ngaih-tüh ba vä; kei bäng khanpughi ah ka kyak ah mawng, kei ah mäih a u kä a om ah mawng cu ng’kia ne pyen vä

ISAIAH 44:8

Ka chang gui, kä kyi en vä! Nangmi naw nami hmat ci, cau pui tüi ne tuhbäi ung khüt khai ah, kya lawk khai ah amawng avan cu kei naw ka pyen ci, nang mi cu ka saksi ah nami kyak ci. Kei ah kawn ah khanpughi a hei om ba ne ang? Kei naw kä ka ng’yak man ah huham mah ciah khanpughi om ne ang?”

JOHAN 8:51

Kei naw akcang ka pyein cu, kei ah m’theithang läk ci phung cu ngawi ah phi kä sik khai” ci na gui ci.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

JOHAN 8:34

Bawipa Jesuh naw, “Kei naw akcang ka pyein cu katnak bik ciah chang phung cu, katnak ah changshäm ah kyak ci.

JOHAN 8:24

Cun ah kyasei nangmi cu, nami katnak awn nami sik khai, “Kei cu kei ah ka kyak ci” ka cicu kä nami yum ah a kyak ung nami kat nak awn nami sik khai” cine pyen na gui ci.

JOHAN 8:28

Cun ah kyasei ani naw, “Chang ah hta cu häi ne nami tai kawn ah vah,’ Kei cu kei ah’ka kyak ah mawng la kei naw ka mät ah ng’yak hlü ah kä kyak ciah, Pa Khanpughi ah nam cäi ah mäih ah ka bilawh cu nami hmat khai.

JOHAN 10:25

Bawipa Jesuh naw, “Kei naw ka ning n’thein gui pyi ci, cun ung phi nangmi naw kä nami yum ci. Khanpughi ah nam cäi ah kabi nak naw kei ah mawng cu saksi ci.