JOHAN 8:46 - Cho Bible Common Language 2016

⁴⁶ Kei naw katnak kabi ah mawng a u naw m’dang hning khai ang? Kei naw düng nak akcang ka pyein ung a i ah kyasei kä nami yum ang?

JOHAN 8:46 Referans Kwoze

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

JOHAN 14:30

Khomdek khan uk cicu gawk law pyi ci, cun ung phi, ani ung kei anam khüt nak vai a i kä om ci.

JOHAN 8:7

Ngami naw cun ah leng ba ba ne ng’shi laih u khäh tah, Bawipa Jesuh naw, “Nangmi ungka ah ma katnak kä om ciah chang naw, ani cu lung awn vawi law ma sä” cine pyen na gui ci.

MAKUH 11:31

Ngami naw ami mät ng’teng tu u netah, “A i mi cik khai ang, Khanpughi ah huham awn mi ciah a kiak ung, a i ah kyasei Johan kä nami yum ang? cine nang shi ba gui khai.

MATTHE 21:25

Zohan naw tuihnim nak a peit cu, Khanpughi ah peit ah m’khüt näng nak awn ang a peit, chang ah peit ah m’khüt näng nak awn ang a peit?” cine ng’shi gui ci. Ngami naw, “Khanpughi ah peit ah m’khüt näng nak awn pek ci mi ciah a kyak ung, Zohan a i ah kyasei kä nami yum ang’ci ne nang shi ba gui khai,

1 PETER 2:22

Bawipa kä sheka man ci, a hleei a pyein phi u naw kä ng’ya man ci.

HEBRU 7:26

Cun ah kyasei Bawipa Jesuh cu mikmi ung hlü ci awn ng’müi ciah Taigü Tung ah kyak ci. Ani cu theingcim ci, shetkat nak ani ung kä om ci. Ani cu shetkat nak ungka m’chah ne, khan mawpi ah a thawh ba sak ah kyak ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

JOHAN 16:8

Ani a law ung m’dek chang gui ah katnak ah mawng düng nak ah mawng la Khanpughi ah m’khoichaa nak ah mawng gui cu dang sak yawp khai.

JOHAN 15:10

Kei naw Kapa ah thukhän läk ne ani ah m’hni ah ka om ah mäih ah, kei ah thukhän nami läk ung kei ah m’hni ah nami om khai.

JOHAN 8:47

Khanpughi ungka lawk ci naw Khanpughi ah thu ngai ci, nangmi cu Khanpughi ungka kä nami lawk ciah kya ne, ani ah ng’thu cu kä nami ngai ci” ci na gui ci.