JOHAN 8:42 - Cho Bible Common Language 2016

⁴² Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

JOHAN 8:42 Referans Kwoze

JOHAN 12:49

A i ah kyasei ci ung, kei naw kamät ah ngaih ah thu ka pyein ciah kä kyak ci, na tüi lawk ciah Kapa ah huham awn ng’thu ka pyein ah kyak ci.

JOHAN 14:10

Kei kapa ung ka om ci, Kapa kei ung om ci ‘Ka cicu kä na yum ci ma? Nangmi ah ma ah kei ah pyein gui cu ka mät ah ng’thu ah kä kyak ci, kei ah bi gui cu kei ung om ciah Kapa ah bi gui ah kyak ci.

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

JOHAN 17:25

“Düng ciah Kapa! M’dek chang gui naw kä ning hmat u sei phi, kei naw ka ning hmat ci nei. Shin ah chang gui naw kei cu, nang naw na na tüih law ah hmat ci gui nei.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

1 JOHAN 4:14

Khomdek chang gui ah Hunbawi ah kyak khai ah Khanpughi naw Ahtapa am kyum law cu mi hmu ne mi ng’shäu ah kyak ci nei.

JOHAN 5:43

Kei cu Kapa ah m’khüt näng nak awn ka lawk ci, cun ung phi nangmi naw kä nami na dou ci. Chang tumat cu amät ah m’khüt näng nak awn a law vai sü ung nami dou khai sü te nei.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

JOHAN 3:17

Khanpughi naw A Htapa am kyum law cu, khomdek khan ah kat nak m’kat khai ah kä kyak ci, hun phiawn nak pek khai ah kyak ci.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

THU PHLAAN 22:1

Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

JOHAN 8:14

Bawipa Jesuh naw, “Kei naw ka mät ah mawng ka saksi cu, ngaih gep ci. A i ah kyasei ci ung, a hawi lam ah kaa law ne, a hawi lam ah hteh ba vai cu kei naw ka hmat ci, Nangmi naw a hawi lam ah kaa law ne, a hawi lam ah hteh ba vai cu kä nami hmat ci.

JOHAN 13:3

Apa naw hlüngtai nak akbe ah a peit cu Bawipa Jesuh naw hmat ci: Khanpughi ah kaa law ne, Khanpughi ah a hteh ba vai cun phi hmat ci.

JOHAN 16:30

Nang naw a päng ang nüng na hmat cu, kami hmat pyi ci, kami ning shi vai a i kä om ba ci nei. A shin gui kami hmat nak awn nang cu, Khanpughi ungka na lawk ciah kami yum ci nei” cik ci gui.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.