JOHAN 8:41 - Cho Bible Common Language 2016

⁴¹ Nangmi läi nami pa ah bi ah mäih ah nami bi ba ci” ci na gui ci. Ngami naw, “Keimi ung Khanpughi bäng kami pa om ci, keimi cu ani ah na hta gui nei” cik ci gui.

JOHAN 8:41 Referans Kwoze

ISAIAH 64:8

Cun ung phi Bawipa, nang cu kami ning pa nei. Keimi cu k’am m’dek ah mäih ah kami kyak ci, nang cu k’am sheh ciah mäih ah na kyak ci. Nang naw na na tüisho gui ci,

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

JOHAN 8:38

Kei cu Kapa ah nam cäi ah mäih ah kang thu ci, nangmi cu nami pa ah pyein ah mäih ah nami bik ci,” cine kya ne gui ci.

ISAIAH 63:16

Nang cu kami pa ah na kyak ci. Kami pupa gui Abraham la Jakob naw phi chang ah kä na tha gui ci gui, cun ung phi nang, Bawipa cu kami pa, angtäi sei na gung gui ciah na kyak ci.

MALAKHI 2:11

Judah chang gui cu Khanpughi awn ami shaitak m’shet u neta, Jerusalem la khaw avan ung akshekha cu bik ci gui nei. Bawipa naw am hni ah Taigüim cu lelawi sak ci gui nei. Pami gui naw a khaw hei khanpughi gui khawihnah ci gui cu chu nak ci gui.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

JEREMIAH 3:19

Bawipa naw pyen ci, “Israel, Kei naw nang cu ka htanau ah ning dou hlü ne, om nak ah nik ciah khaw cu ka ning pek khai, cun cu khomdek khan ung akiom pikbäih ah kyak ci. Pa ah na na khü vai kei naw ka ng’ya hlük ci, kei kä nami na ng’hlah tak en ba phung vai.

THULÄÄN NAK 32:6

Nang naw Bawipa na om ih püi cu a shik cha ah ma? Nang chang gu taak, chang awng ang, Ani cu nami pa, ning tüisho gui ci. Ani naw changpakhui ah ning pyang gui ci.

THULÄÄN NAK 14:1

“Nangmi cu Bawipa nami Khanpughi ah chang ah nami kyak ci. Cun ah kyasei aksi ah phäh ah nami thüi kyah ung nami mät kä nami plawh kheih en vai, chang hei gui ah mäih ah nami lu hmai kä nami k’teiu vai.

PHYAWN NAK 4:22

Cun ung phi, Kei, Bawipa ah ng’thu nang naw na m’thein vai cu, “Israel cu kei ah ka htahtük ah kyak ci.

HOSEA 1:2

Bawipa naw Hosea ungka naw Israel gui ang thu püi gui yah ung ani naw Hosea am, “Nang cu hteit ne chu mah ä, na chu cu kä bekhüt khai nei, na hta gui phi kä bekhüt khai gui nei. A cun ah mäih ah ka chang gui naw na hteh ta u ne, kä bekhüt lawk khai gui nei.”

1 JOHAN 3:12

Mikmi cu Kain ah mäih ah kä mi kya en vai nei. Ani ung khoshe om sei, a nau Abel cu ngawn ci nei. Kain naw a i ah kyasei a ngawn ang? Ani ah bilawh gui cu cheishoh ne a nau ah bilawh gui cu ang düng ah hmawk ah kyak ci.