JOHAN 8:40 - Cho Bible Common Language 2016

⁴⁰ Khanpughi ah ng’thu kang yak ah mäih ah kei naw ka ning m’thein ba gui ci, cun ung phi nami na ngawn khai ah nami tha nak ci, Abraham naw cun ah kä bi te ci.

JOHAN 8:40 Referans Kwoze

JOHAN 8:26

Nangmi ah mawng ka pyein vai akda om ci, nami katnak ka ning m’kat gui vai phi akda om ci. Kei na tüi lawk cicu düng ci, ani ung kang yak gui bäng vah, khomdek chang gui-am ka ning m’thein gui ci,” cine pyen na gui ci.

KALATIAN 4:29

Cun yah ung ng’tüi law düt ciah hta naw, Khanpughi ah Mumcha awn ng’tüi lawk ciah hta cu k’dudeiu nak ci, tuhbäi phi acun ah kyak ci.

KALATIAN 4:16

Tuhbäi kei naw düng ci ka pyein ah hmawk ah, nami gaa ah ka kyai law bawk khai ang?

THU PHLAAN 12:17

Cun kawn ah shawk cu ang htei ah m’lungshe netah, k’pawih ba ciah hnuminu ah a hta ng’shon gui ah kyak ciah Khanpughi ah ng’thukhän läk ci gui la, Bawipa Jesuh ah dang sak ah düng nak ung bekhüt ci gui cu, ng’tuk püi gui khai ah ng’düi law ne hteit ci.

THU PHLAAN 12:4

Ani naw khankho mik ah aisi gui bumthum bum ät cu ang mei awn hang kui ne m’dek ah yuk chah gui ci. Cun ah shawk sennu cu hnuminu ah maa ah ng’düi ne, a hta law nak ge vai ah ak hmaw cu, ei khai ah ngäng ci.

ROMAN 4:12

Ani cu vun-ah nak bik ci gui ah Pa ah phi kyak ci. Cun kawn ah ani cu vun-ah nak bik ci gui bäng ah kä kya ne, mi pughi Abraham naw vun-ah nak kä a gah pha ung, Khanpughi cu yum ne, ghing ne om te ci gui cu thei tu gui ci gui ah Pa ah phi kyak ci.

JOHAN 8:56

Nami pa Abraham cu kei ka law vai ah a khin hmu lawk khai kya ne yei ci, acun hmu tuk cang ci kya ne yeikyai ci,” ci na gui ci.

SAM 37:32

Changshe naw changni cu ng’mün ne ngawn vai ah tha nak ci.

SAM 37:12

Changshe naw changni cu hnu ng’tuk püi ne, m’kawng ne gen ci.

JOHAN 7:1

Cun kawn ah Bawipa Jesuh cu Kalile kho ah pawng ne hteit ba ci. Jew chang gui naw ngawn vai ah ami ng’ge cu hmat netah, Judea kho ah kä hteit ba hlük ci.