JOHAN 8:38 - Cho Bible Common Language 2016

³⁸ Kei cu Kapa ah nam cäi ah mäih ah kang thu ci, nangmi cu nami pa ah pyein ah mäih ah nami bik ci,” cine kya ne gui ci.

JOHAN 8:38 Referans Kwoze

JOHAN 5:19

Bawipa Jesuh naw, “Kei naw akcang ka pyein cu,’ A Htapa naw amät ah ngaih ah a i kä bi hning ci, Apa ah bi bi a hmuh ah mäih ah vah bi bik ci. Apa naw abi cu A hta naw phi acun ah bi ba ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

JOHAN 8:41

Nangmi läi nami pa ah bi ah mäih ah nami bi ba ci” ci na gui ci. Ngami naw, “Keimi ung Khanpughi bäng kami pa om ci, keimi cu ani ah na hta gui nei” cik ci gui.

JOHAN 5:30

“Ka mät ah m’khüt näng nak awn a i kä ka bi hning ci, Khanpughi ah nam cäi ah mäih ah m’khoichaa nak ka bik ci. Ka mät ah ng’yak hlü ah ka bi vai ah kä ka tha nak ci, na tüi lawk ciah ang yak hlü bäng ah bi ka bik ci; cun ah kyasei kei ah m’khoichaa nak cu düng ci.

JOHAN 14:24

Kei kä nam hni ciah chang naw, kei ah m’thei thang phi kä ngai khai. Kei ah ning m’thei thang gui cu ka mät ungka lawk ciah kä kyak ci, kei na tüi lawk ciah Kapa ungka lawk ciah kyak ci.

JOHAN 14:10

Kei kapa ung ka om ci, Kapa kei ung om ci ‘Ka cicu kä na yum ci ma? Nangmi ah ma ah kei ah pyein gui cu ka mät ah ng’thu ah kä kyak ci, kei ah bi gui cu kei ung om ciah Kapa ah bi gui ah kyak ci.

JOHAN 8:26

Nangmi ah mawng ka pyein vai akda om ci, nami katnak ka ning m’kat gui vai phi akda om ci. Kei na tüi lawk cicu düng ci, ani ung kang yak gui bäng vah, khomdek chang gui-am ka ning m’thein gui ci,” cine pyen na gui ci.

JOHAN 3:32

Ani naw a hmuh la ang yak cu pyein sei phi ani ah ng’thu cu a u naw kä dou ci.

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?