JOHAN 8:34 - Cho Bible Common Language 2016

³⁴ Bawipa Jesuh naw, “Kei naw akcang ka pyein cu katnak bik ciah chang phung cu, katnak ah changshäm ah kyak ci.

JOHAN 8:34 Referans Kwoze

ROMAN 6:16

Nang mi cu chang tumat ah khlei-htein ah kya ne nami ng’ap ung, a cun ah bawi ah khlei-htein ah nami kyak cu akcang ah nami hmat ci. Nang mi cu katnak ah khlei-htein nah nami kyak ung, nang mi ah gah vai cu sih nak ah kyak ci, Khanpughi ah ng’thu nami ngaih ung nang mi cu Khanpughi naw chang düng ah ning dou gui khai.

2 PETER 2:19

Ngahmi naw chang-am ng’päiye nak shai ami taak ung phi, ami mät cu didap nak ah khleihtein ah kyak ci gui. A i ah kyasei ci ung, chang cu ani uk ciah khleihtein ah kyak ci.

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

ROMAN 6:12

Cun ah kya sei nami pumsa ah ng’yak hlü ah kä nami läk en hlawt vai ah, katnak naw nami pumsa cu käm khüt ten hlawt sä.

ROMAN 6:6

Mi ghin nak k’phyim cu Bawi Khrit awn a täng ah kutlam tung ngawn pyi ah kyak ci. Cun ah kya sei katnak awn be ciah mi m’lung kyong cu dimaih pyi ci kya ne, mikmi cu katnak ah khlei-htein ah kä mi kya ba ci, cicu mi hmat pyi ci.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

EPHESIAN 2:2

Khomdek khan ah cheishoh nak lam cu nami läk ci, kho k’häüung ka, mumchashe ah hlüngtai nak ah uknak cu nami läk ci, acun naw tuhbäi Khanpughi kä ngai ciah chang gui cu shum gui ci.

ROMAN 7:25

Mi Bawipa Jesuh Khrit awn na hun gui ciah Khanpughi ah m’gein nak cu hlüngtai aih ci nei. Ak hnu ah ka mät ah mawng ka pyein hlü cu, Ka m’lung kyong awn Khanpughi ah khuut ka bi sang ung, ka hnicim chang nak naw katnak ah bi cu ka bik ci nei.

1 GHANGPUGHANG GUI 21:25

(Ahab ah mäih ah Bawipa täng ah akshe bi vai ah akbe ah ng’ap cicu a u kä om ci — avan cu akchu Jezebela ah tooktam ah kyak ci.

ROMAN 8:21

Cun ah ngaih u nak cu, kho hnüüp ät ung a tüi pyan gui naw khihpawn didap nak ungka phyawng ne, Khanpughi ah hta gui awn a täng ah bämang lünlawi nak ami gah vai ah hmawk ah kyak ci.

ROMAN 7:14

Thukhän cu mümcha lam ah kyak ciah mi hmat ci, cun ung phi kei cu katnak ah khlei-htein, chang ah hta ah ka kyak ci.

LAMKTU 8:23

Nang cu m’thüi nak awn be neh katnak ah thawng ung na kium ciah ka ning hmuk ci nei” cine pyen nak ci.

JOHAN 3:3

Bawipa Jesuh naw, “Kei naw akcang ka pyein cu, hnih vei ng’tüi nak kä gah ci naw Khanpughi ah uknak kho kä hmuk khai” ci ne kiak nak ci.

MATTHE 5:18

Kei naw akcang ka pyein cu, khomdek la khankho a om yah ah chuih cacim ung kaa, ca ng’lung ät, ca ng’ma ät phi kä dimaih düt khai. Cacim ung om ci phung avan küm yawp khai nei.