JOHAN 8:32 - Cho Bible Common Language 2016

³² Nangmi naw düng nak cu nami hmat khai, düng nak naw nangmi cu ning m’hlawt gui khai,” cine pyen na gui ci.

JOHAN 8:32 Referans Kwoze

ROMAN 8:2

Cun ah kya sei Jesuh Khrit ung na kawng ät sak ciah Mumcha ah thukhän naw, katnak la sih nak ah thukhän ung, kei cu na phiawn sak pyi ci nei.

JOHAN 8:36

Htapa naw a ning m’hlawt gui ah a kyak ung nangmi cu akcang ah nami phyawng khai.

JOHAN 17:17

Nang ah hmawk ah ngami cu düng nak awn khoi ne om sak gui ä, Nang ah thu cu düng ci.

1 PETER 2:16

Ng’pääi om chang ah kya ne nami om vai, nami ng’pääiyee nak cu akshe thuh nak vai ah kä nami mang-en vai, Khanpughi ah changshäm ah kya ne nami om vai.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

ROMAN 6:22

Cun ung phi nang mi cu tuk bäi katnak ungka phyawng ne, Khanpughi ah khlei-htein ah nami kya pyi ci. Nang mi ah gah ah bämang nak cu, Bawipa am nami ghin nak ak be ah ap ne, ak hnu ah ang täi ghin nak nami gah ah kyak ci.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

SAM 25:5

Nang düng nak ung, na ng’yak ka hlü ah om vai ah na m’thei ä, Nang cu ka Khanpughi, na na hun ci, nang ung angtäi sei ka ng’ap ci nei.

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

KALATIAN 5:1

Mikmi cu Bawi Khrit naw na k’phiawn gui pyi ci kyasei ng’päiyee nak mi gah pyi ci! Cun ah kyasei ng’päiyee chang ah kya ne ng’düi vä! Cän kawn ah khlei htein ah kyak ba vai ah kä nami om men vai nei.

JAMES 2:12

Cun ah kyasei phiawn nak ah thukhän awn, m’khoichaa nak gah khai gui ah, chang gui ah mäih ah, nami om ih vai nei.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

JOHAN 16:13

Cun ung phi Khanpughi ah mawng cacim awn dang sak ciah Mumcha Theing cu a kyum law ung ani naw cacim avan cu ning m’thein gui khai, ngawi ah gawk lawk khai ah a mawng gui phi ning m’thein gui khai.

ISAIAH 30:21

Nangmi cu lam hma u ne k’eng täng ni mä, k’pat täng ni mä nami ci law ah a kyak ung, nangmi naw nai hnu ah ani ak’aw nami ng’yak khai, “lam shin ung nei. Shin ung hteit vä” cik khai nei.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

NG'THU K'THUUK~ 1:23

Kei naw ka ning huttaap gui cu ngai vä! Kei naw akni ah ka ning m’cäi gui khai, ka hmuhmat nak ka ning k’pai gui khai.

2 TIMOTHI 3:7

Cun ah hnumi gui cu angtäi sei k’tha nah ne ng’thei tu u ne phi, thu thuuk cu kä hmat hlawt ci gui ah kyak ci.

ISAIAH 35:8

A cun ung lam ng’kiung nu om khai, cun cu “Theingcim khaw ah Hteh nak lam” ah pyen ci gui. Kat nak bik ciah chang phung cun ah lam ung kä hteit tuk khai; A u akgutak naw phi cun ah lam ung hteit cicu lam hma khai ah kä m’shüm khai.

SAM 119:45

Kei cu akbe ah ng’päize ne ka om khai, a i ah kyasei ci ung kei naw na m’theithang gui cu ka läk vai ah ka tha nak ci.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

NG'THU K'THUUK~ 1:29

Nangmi naw hmuhmat nak cu kä na mi mang man ci, Bawipa cu kä nami kyih aa phung ci.

JOHAN 6:45

Profet gui ah ca guk ung, “Chang avan cu Khanpughi naw m’theithang gui khai, Kapa ah ng’thu ng’ya ne akni ah ng’thei ci gui phung cu kei ah law ci gui.

ISAIAH 54:13

“Na chang gui cu kei ka mät naw ka m’thei thang gui khai, bühmang nak la dimdeeih nak ka pe gui khai.

ISAIAH 2:3

ami chang gui naw, “Bawipa ah khawmhtung Israel khanpughi ah Taigüim ah mi kya khai nei. Ani naw ana bi sak gui hlü cu na m’theithang gui khai nei; mikmi cu ani ah ghü ah lam ung mi hteit khai nei. Bawipa ah m’theithang nak cu Jerusalem ung ka gawk lawk ci; Ani naw Zion ung ka naw ak chang gui ng’thu püi gui ci.”

MATTHE 11:29

Kei ah ka kawh cu kawt ne, kei ah ng’thei law vä, Nangmi cu hüiyang nak nami hmuk khai.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

1 KORIN 7:22

Khleihteih tumat cu Bawipa naw a khü ah a kyak ung ani cu ng’päi om chang ah kya lawk ci; acun ah mäih ah ng’päi om chang tumat cu Bawi Khrih naw a khü ah a kyak ung, ani cu Bawi Khrih ah khleihtein ah kya lawk ci.

2 JOHAN 1:1

A ng’vaihta kei naw, akcang ah kam hni ah hnumi nu la a hta gui am ca ka guk lawk ci nei. Kei bäng ah kä kyak ciah thu thuuk ung m’hni nak hmat ci phung naw, nang cu ning m’hni ci nei.

TAIGÜTHUM 25:41

Cun ah khin ung ani la a hta gui cu nang ah kyong ungka naw ami kyong khui ah hteit ba khai gui, ami pupa ah khaw ah hteit ba khai gui.