JOHAN 8:28 - Cho Bible Common Language 2016

²⁸ Cun ah kyasei ani naw, “Chang ah hta cu häi ne nami tai kawn ah vah,’ Kei cu kei ah’ka kyak ah mawng la kei naw ka mät ah ng’yak hlü ah kä kyak ciah, Pa Khanpughi ah nam cäi ah mäih ah ka bilawh cu nami hmat khai.

JOHAN 8:28 Referans Kwoze

JOHAN 5:30

“Ka mät ah m’khüt näng nak awn a i kä ka bi hning ci, Khanpughi ah nam cäi ah mäih ah m’khoichaa nak ka bik ci. Ka mät ah ng’yak hlü ah ka bi vai ah kä ka tha nak ci, na tüi lawk ciah ang yak hlü bäng ah bi ka bik ci; cun ah kyasei kei ah m’khoichaa nak cu düng ci.

JOHAN 5:19

Bawipa Jesuh naw, “Kei naw akcang ka pyein cu,’ A Htapa naw amät ah ngaih ah a i kä bi hning ci, Apa ah bi bi a hmuh ah mäih ah vah bi bik ci. Apa naw abi cu A hta naw phi acun ah bi ba ci.

JOHAN 6:38

A i ah kyasei ci ung, kei cu kamät ah ng’yak hlü ka bik khai ah khankho ah kaa ka kyum lawk ciah kä kyak ci, na tüi lawk ciah ng’yak hlü ka bik khai ah ka kyum lawk ciah kyak ci.

JOHAN 3:14

Moses naw bungpuk ah ng’lawi awn k’phyu a tai ah mäih ah chang ah Hta cu m’düih ne tai nak om khai nei.

ROMAN 1:4

Ak khanchang theing nak ah, Khanpughi ah Htapa ah a kyak cu ang dang vai ah Khanpughi naw abämang hlüngtai nak awn sih nak ung kaa thawh ba sak ci.

LAMKTU 4:4

Cun ung phi a ni ng’thu ng’yah tuk ciah chang ak da naw, Bawipa yum tuk ci gui. Zum ciah chang avan phia hma kip law lawk ci.

LAMKTU 2:41

Chang ak da naw a ni ah ng’thu yum u neh tui ng’hnim u seih cun ah hnüüp ung chang sing phia thum kip lawh law neh da lawk ci gui.

JOHAN 19:18

(Acun cu Hebrew ng’thu awn Kolakotha) cik ci gui. Acun ah hmun ah Bawipa Jesuh cu kutlamtung ung tai ne ngawn ci gui. Bawipa Jesuh awn a täng ah a hei chang hnih cun phi, ak englam ah tumat, akpat lam ah tumat tai ne ngawn ci gui. Bawipa Jesuh cu ang lung ung tai ci gui.

JOHAN 16:10

Kei cu Kapa ah ka hteh law ba ung kä nami na hmu law ba khai kia sei, düng nak cu kei ung dang ci.

JOHAN 11:42

Kapa nang naw kak taigü na na ngaih peit cu ka hmat ci, cun ung phi nang naw kei na na tüih law cu, chang gui naw ami hmat vai ah, ngami ah hmawk ah ka pyein ah kyak ci nei” cik ci.

JOHAN 8:24

Cun ah kyasei nangmi cu, nami katnak awn nami sik khai, “Kei cu kei ah ka kyak ci” ka cicu kä nami yum ah a kyak ung nami kat nak awn nami sik khai” cine pyen na gui ci.

JOHAN 3:11

Kei naw akcang ka pyein cu, keimi naw kami hmat cu pyein u ne, kami hmuh cu kami ngak ci. Cun ung phi keimi ah pyein sak cu nangmi naw kä nami yum ci.

PHYAWN NAK 3:14

Khanpughi naw, “Kei cu Kei ah ka kyak ci” cicu na m’thein gui vai. ‘Kei ah ka kyak ci’ cik ci naw ana tüih law nei, na ci vai.

THULÄÄN NAK 18:18

Kei naw nang ah mäih ah prophet cu ami mät ah chang ungka ka tüi khai. Kei naw a i a pyen vai cu ka m’thein khai. Kei naw ka thumkhän päng cu ani naw chang gui am thein gui khai.

MATTHE 24:5

Kei cu Messiah nei,’ cine chang akda naw kei ah ng’hlawk ne chang khli m’hleeihlak lawk khai gui nei.

MAKUH 13:6

Chang akda cu kei ah mäih ah ng’hlawk ne lawk khai gui. Ngami naw ami mät cu Messiah ah pyein u ne chang khli cu m’hleei m’hlak khai gui.

LUKA 21:8

Bawipa Jesuh naw, “Chang naw kä a ning m’hleei-en gui vai ah geing na ne om vä. Chang akda cu kei ah mäih ah ng’hlawk ne ‘Kei cu Messiah nei’ cik ci om lawk khai nei, acun ah khin cu gawk law pyi ci nei, cine ning m’hleei gui ci phi om lawk khai nei.

JOHAN 4:26

Bawipa Jesuh naw, “Cun ah Messiah Bawipa cu, tuhbäi nang ning thu püi ciah, kei ah kyak ci nei” cine pyen nak ci.

JOHAN 8:27

Bawipa Jesuh naw Apa Khanpughi ah mawng a pyein phung cu ngami naw kä hmat ci gui.

JOHAN 8:58

Bawipa Jesuh naw, “Kei naw akcang ka pyein cu, Abraham kä ang tüi pha ung kei ka om pyi ci nei” ci na gui ci.

JOHAN 13:19

Shin ah mawng gui ng’dawt ne ka ning m’thein gui cu, ka pyein gui akcang ah a kyak law hnüüp ung ‘Kei cu Kei’ah ka kyak ah mawng nami yum vai ah hmawk ah kyak ci.

JOHAN 18:32

(Cun ami cicu Bawipa Jesuh naw amät ah sih vai ah mawng a pyein cu ang dang nak vai ah hmawk ah kyak ci)