JOHAN 8:26 - Cho Bible Common Language 2016

²⁶ Nangmi ah mawng ka pyein vai akda om ci, nami katnak ka ning m’kat gui vai phi akda om ci. Kei na tüi lawk cicu düng ci, ani ung kang yak gui bäng vah, khomdek chang gui-am ka ning m’thein gui ci,” cine pyen na gui ci.

JOHAN 8:26 Referans Kwoze

JOHAN 15:15

Tuhbäi ung tün ne changshäm ah kä ka ning khü ba gui ci, a i ah kyasei ci ung, changshäm naw khuimah ah bilawh kä hmat ci. Kapa ah ng’thu kang yak avan cu ka ning m’thein gui pyi ah kiasei, tuhbäi ung tün ne ‘Teihpüi’ ah ka ning khü gui ci.

JOHAN 8:40

Khanpughi ah ng’thu kang yak ah mäih ah kei naw ka ning m’thein ba gui ci, cun ung phi nami na ngawn khai ah nami tha nak ci, Abraham naw cun ah kä bi te ci.

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

JOHAN 7:28

Taigü im ung m’theithang gui ne a om yah ung Bawipa Jesuh naw, “Nangmi naw kei cu nami na hmat ci, a hawi ah kaa ka law phi nami hmat ci. Cun ung phi kei cu ka mät ah ngaih ah ka lawk ciah kä kyak ci, kei na tüi lawk cicu düng nak awn kümbe ci, ani cu nangmi naw kä nami hmat ci.

2 KORIN 1:18

Khanpughi ah ng’thu cu akcang ah ng’düng ci kyasei, kei ah shaitaak cu, “ä la ka” hnih ah kä kyak ci.

JOHAN 16:12

Kei naw akda ka ning m’cäi gui vai om ba ci, cun ung phi avan nangmi naw kä nami shüm yawp khai kyak ci.

JOHAN 7:16

Bawipa Jesuh naw, “Shin gui cu ka mät ah m’theithang ah kä kyak ci, na tüi lawk ciah Khanpughi ungka lawk ciah kyak ci.

JOHAN 3:11

Kei naw akcang ka pyein cu, keimi naw kami hmat cu pyein u ne, kami hmuh cu kami ngak ci. Cun ung phi keimi ah pyein sak cu nangmi naw kä nami yum ci.

JOHAN 8:25

Ngami naw, “Nang a u ang?” cine ng’shik ci gui. Bawipa Jesuh naw, “Kei a u ah ka kyak cu, a htük ung ka ning m’thein gui pyi ci.

JOHAN 8:27

Bawipa Jesuh naw Apa Khanpughi ah mawng a pyein phung cu ngami naw kä hmat ci gui.

JOHAN 18:20

Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.