JOHAN 8:23 - Cho Bible Common Language 2016

²³ Bawipa Jesuh naw, “Nangmi cu shin ah m’dek nami kho nak ci, kei cu khan ah kaa ka lawk ci. Nangmi cu shin ah khomdek chang ah nami kyak ci, kei cu shin ah khomdek chang ah kä ka kyak ci.

JOHAN 8:23 Referans Kwoze

JOHAN 3:31

Khankho ah kaa kyum lawk ci cu, van nüng ah hlüngtai pi ci. Khomdek ungka lawk cicu khomdek chang ah kya ne, m’dek khan ah mawng cu pyein ci. Cun ung phi khankho ah kaa lawk cicu apäng avan ah hlüngtai pi ci.

JOHAN 17:16

Kei cu khomdek khan awn kä ka ng’guiphaa ah mäih ah ngami phi kä ng’guiphaa ci gui.

JOHAN 17:14

Nang ah ng’thu cu ngami-am ka pe gui pyi ci, Kei cu m’dek khan naw kä a na khäm ah mäih ah ngami phi kä khäm gui ci.

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

SAM 17:4

Kei cu chang hei gui ah mäih ah akshe ah kä ka thu ci; kei naw na thumkhän cu ka ngai ci, kä chang man ah lam cu kä ka läk ci.

JOHAN 3:13

Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.