JOHAN 8:21 - Cho Bible Common Language 2016

²¹ Bawipa Jesuh naw, “Kei ka hteit ba khai, nangmi naw nami na shui khai, cun ung phi nangmi nami katnak awn nami sik khai, kei ah hteh nak ah nangmi kä nami hteit tu hlawt khai,” cine kyak na gui ci.

JOHAN 8:21 Referans Kwoze

JOHAN 7:34

Nangmi naw kei cu nami na shui ung phi kä nami na hmuk khai, a i ah kyasei ci ung, kei ah gawk nak vai ah nangmi kä nami law tu hlawt khai” cine kyak na gui ci.

JOHAN 8:24

Cun ah kyasei nangmi cu, nami katnak awn nami sik khai, “Kei cu kei ah ka kyak ci” ka cicu kä nami yum ah a kyak ung nami kat nak awn nami sik khai” cine pyen na gui ci.

JOHAN 13:33

Ka hta gui aw, kei cu nangmi awn a täng ah ashäng hta vah ka om ba khai. Nangmi naw nami na shui khai, kei ka hteh nak ah nangmi kä nami hteit tu hlawt khai; cine, Jew chang ng’vai gui ka pyein nak gui ah mäih ah tuhbäi nangmi ka ning pyein na gui ci.

EPHESIAN 2:1

Yanä nang mi cu ngaih she nak la shetkat nak ung mümcha aksi ah nami kyak ci.

JOHAN 12:35

Bawipa Jesuh naw, “Akdei cu nangmi ung a shäng hta nei om ba khai. Kho hmüp naw kä a ning küp gui vai ah akdei ah om yah ung hteit hton vä; hmüp khui ung hteit hton ci naw ani ahawi lam a hteh ah kä hmat ci nei.

JOHAN 12:33

(Shin ah pyein nak ung ani cu a i ah mäih ah asih vai ah mawng a pyein ah kyak ci.)

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

MATTHE 23:39

Kei naw tuhbäi ka pyein cu, ‘Bawipa ming awn kyum lawk cicu Khanpughi naw phyutheh nak be sä,’ cine kä pyein pha ah chuih nang naw kei cu kä na na hmu ba khai nei,” ci ne pyein ci.

ISAIAH 65:20

A hmaw hta gui cu ami hmaw sang ung kä si ba khai gui, chang avan cu khokum küm sei ghing khai. A khokum phia law sei ghing ci phi a hmaw ah mäih ah kyak kuai, A cun kä pha sei sik cicu kei naw ka m’kyuk ah m’hnüt nak ah kyak khai.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

NG'THU K'THUUK~ 11:7

Chang shekha a sih ung am lung ngaih cu sih püi ci, Akbä pi ah ang ngaih-tüh phi a kholä ah kyak ci.

JOB 20:11

Ani ah pumsa cu nong ne akiom man ung phi tuhbäi m’vut ah ng’lat khai.

1 GHANGPUGHANG GUI 18:10

Na Khanpughi, ghing ciah Bawipa ung kei ka ng’tam ci nei, khaw ah ka, a khawpäng päng ung nang cu ghangpughang naw ning shui sä. Khawpäng uktu naw a khaw ung nang kä na om ciah a pyen law ba ah a kyak ung acun ah uktu naw nang kä a ning hmuh ah mawng angkhäntam vai ah Ahab naw k’thäh khai nei.

JOHAN 7:36

Ani naw nami na shui ung phi kä nami na hmuk khai, ka gawk nak ah phi kä nami law tu hlawt khai, cik ci; cun cu a i a pyein hlü ang?” cine ami mät ng’thu ci gui.