JOHAN 8:20 - Cho Bible Common Language 2016

²⁰ Shin cu Bawipa Jesuh naw, Taigüim khawh peit nak ah kyong khui ah am theithang gui ah kyak ci. Cun ung phi amät ah akhin kä gawk law phak ciah kyak sei, ani cu a u naw phi kä phak ci.

JOHAN 8:20 Referans Kwoze

JOHAN 7:30

Chang gui naw Bawipa Jesuh cu phak khai gui ah tha na tu pang u ne phi, amät ah khin kä gawk phak ci kyasei, a u naw phi kä phak ci gui.

JOHAN 7:8

Cun ah pawi ung nangmi hteit vä, kei cu ka khin kä gawk law phak ciah kyasei kä ka hteit khai” cine kyak na gui ci.

MAKUH 12:41

Bawipa Jesuh cu pum im kyong ah khawh ami peit nak ah m’küm pei ah ngoh netah, cun ah m’küm ung chang gui naw ami peit ah ngui ami ghawn law cu teng gui ci. Bühmang ciah chang gui naw ngui akda ghawn ne pek ci gui.

JOHAN 7:44

Chang amshah naw ani cu pha hlü u ne phi a u naw kä phak ci.

MAKUH 12:43

Cun kawn ah Bawipa Jesuh naw, ang düihpüi gui khü gui netah, “Shin ah pyamtham ciah hmeinu naw, pum im ah peit nak ah m’küm ung ghawn ne pek ci gui nüng ah da pi sei pek ci nei’ ciah akcang ah ka ning m’thein gui ci nei.

MATTHE 27:6

Taigüpa naw cun ah tangka cu kaw netah, “shin cu sikplai ngui ah kyak ci, mi thukhän awn hnung tuk ci kyasei, pum im ngui m’küm ung käm dawn tu vai,” cik ci.

JOHAN 10:39

Cun ci khätah chang gui naw, Bawipa Jesuh cu phak khai gui ah tha nak ci gui, cun ung phi ani naw lek gui ne a hei ah hteit ci.

JOHAN 8:59

Ngami naw Bawipa Jesuh ami vawih nak vai lung kaw ci gui. Cun ung phi Bawipa Jesuh cu ng’thup ne Taigüim ungka a hei lam ah hteit ci.

LUKA 20:19

Thukhän saya gui la taigü ng’vai gui cu, Bawipa Jesuh naw ngami-am ci gui ah amtumtäng cu hmat u netah, Bawipa Jesuh cu pha hlük ci gui. Cun ung phi chang gui cu kyih gui ci gui.

1 SHONTÄP NAK 9:26

M’kawt ngäng angvaipi phli cu Levit gui ah kya u ne, ngami ung ak hlüng pikbäih ami bii vai om ci. Ngami naw ami m’htei vai cu Taigüim ung kyongkhui gui la acun ung ami taak ah kaawh gui ah kyak ci.

MATTHE 26:55

Cun kawn ah Bawipa Jesuh naw, chang gui-am, “Nangmi cu m’gut ei pha ah mäih ah kei nami na phak khai ah, htung tawn ni khim ni kawt ne nami lawk ci ma? Kei naw ak hnüüp tä pum im ung ngo ne kam theithang yah ung nangmi naw kei kä nami na phak ci maw?

LUKA 21:1

Bawipa Jesuh naw mang shüi netah, pum im ah peit nak ung bühmang ci gui naw, ami khawh ami peit cu hmuk ci.

JOHAN 2:4

Bawipa Jesuh naw, “Kei naw bi kabi vai kä nam cäi ä, ka bi vai akhin kä gawk law phak ci nei” cik ci.

JOHAN 7:14

Pawi ami bi nak kho hnüüp cawih cawih law khätah, Bawipa Jesuh cu Taigüim ah hteit ne m’theithang gui ci.

JOHAN 8:2

Cun ung phi Bawipa Jesuh läi cu Olive m’htung ah kai ci. A ngawi ung kho ngawi hta ah Taigüim ah hteit ba ne chang gui akda law u sei, ngo netah m’theithang gui ci.