JOHAN 8:19 - Cho Bible Common Language 2016

¹⁹ Ngami naw, “Napa cu a hawi ang?” cine ng’shik ci gui. Bawipa Jesuh naw, “Nangmi naw kei phi kä nami na hmat ci, Kapa phi kä nami hmat ci. Kei nami na hmat vai sü ung Kapa phi nami hmat khai sü te” cine pyen na gui ci.

JOHAN 8:19 Referans Kwoze

JOHAN 16:3

Ngami cu Kapa phi kä hmat ci gui, kei phi kä na hmat ci gui ah kia ne, acun ah bik khai gui nei.

1 KORIN 15:34

Ng’düng nak awn law vä, nami katnak phung nawng shüt vä. Nangmi ungka amshah naw Khanpughi kä hmat ci, cun ah ka pyein cu nami lü ng’aa nak vai ah hmawk ah kyak ci.

JOHAN 7:28

Taigü im ung m’theithang gui ne a om yah ung Bawipa Jesuh naw, “Nangmi naw kei cu nami na hmat ci, a hawi ah kaa ka law phi nami hmat ci. Cun ung phi kei cu ka mät ah ngaih ah ka lawk ciah kä kyak ci, kei na tüi lawk cicu düng nak awn kümbe ci, ani cu nangmi naw kä nami hmat ci.

JOHAN 1:10

Thu cu khomdek khan ah om pyi ci. Khanpughi naw ani awn khomdek phi tüisho pyi ci.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

2 JOHAN 1:9

Bawi Khrit ah m’theithang nak ah kyong ah kä om ne, ak pung ah om ciah chang ung Khanpughi kä om ci. Bawi Khrit ah m’theithang nak kyong ung om ciah chang cu Apa la A Htapa ani nik hnih ah om nak ah kyak ci.

JEREMIAH 24:7

Ngami am kei Bawipa ah ka kyak ah ami hmat nak hlü cu ka pe gui khai. Cun kawn ah ngami cu kei ah chang ah kyak khai gui, kei cu ngami ah khanpughi ah ka kyak khai, a i ah kyasei ci ung ngami cu ami m’lung kyong avan awn kei ah ng’hlat law ba khai gui.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.

JOHAN 15:21

Ngami naw acun ah bik khai gui, a i ah kyasei ci ung, nangmi cu kei ah chang ah nami kyak ci ngami naw kei na tüi lawk ci phi kä hmat ci gui.

JEREMIAH 22:16

Ani naw dukhaih ci gui cu taga khai ah pe gui ci, cun ah kyasei apäng avan cu bä ci. Cun cu Bawipa hmuhmat nak ah phäh ah kyak ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

KOLOSE 1:15

Bawi Khrit cu kä hmuh thei ah Khanpughi ah, hmuh thei vai ah a müi ah kyak ci. Ani cu atüisho avan ah hlüngtai pi ciah, ng’tüi htük ciah Htapa ah kyak ci.

EPHESIAN 1:17

Nangmi naw Khanpughi nami hmat nak vai ah cüivai nak la lulang nak ah kyak ciah Mumcha cu nami gah vai ah, mi Bawipa Jesuh ah Khanpughi, bämang ciah mi Pa ah ka ning yoih thäh pe gui ci.

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

1 JOHAN 2:23

A Htapa hnu ng’tuk püi ci cu, Apa hnu ng’tuk püi ciah kyak ci: Ahtapa dou ciah chang cu Apa dou ciah kyak ci.