JOHAN 8:14 - Cho Bible Common Language 2016

¹⁴ Bawipa Jesuh naw, “Kei naw ka mät ah mawng ka saksi cu, ngaih gep ci. A i ah kyasei ci ung, a hawi lam ah kaa law ne, a hawi lam ah hteh ba vai cu kei naw ka hmat ci, Nangmi naw a hawi lam ah kaa law ne, a hawi lam ah hteh ba vai cu kä nami hmat ci.

JOHAN 8:14 Referans Kwoze

JOHAN 16:28

Kei cu Kapa ungka pawng ne m’dek khan ah ka lawk ci; tuhbäi ung m’dek khan ungka pawng ne Kapa ah ka hteit ba khai” ci ne pyein ci.

JOHAN 13:3

Apa naw hlüngtai nak akbe ah a peit cu Bawipa Jesuh naw hmat ci: Khanpughi ah kaa law ne, Khanpughi ah a hteh ba vai cun phi hmat ci.

JOHAN 14:10

Kei kapa ung ka om ci, Kapa kei ung om ci ‘Ka cicu kä na yum ci ma? Nangmi ah ma ah kei ah pyein gui cu ka mät ah ng’thu ah kä kyak ci, kei ah bi gui cu kei ung om ciah Kapa ah bi gui ah kyak ci.

JOHAN 8:42

Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

KHEI NAK 12:3

(Moses cu m’lung neim ciah chang, khomdek khan chang avan ung m’lung neim pi ci) cik ci.

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.

2 KORIN 12:19

Keimi naw a thawm ah kami mät kami ng’küikyan ciah nami ngai hngaw khai nei! Cun ah kä kyak ci, Bawi Khrit ah nam theithang gui ah mäih ah, Khanpughi ah ma ah ng’thu kami pyein ah kyak ci. Teih püi gui aw, keimi ah bi gui phung cu nangmi ah hmawk ah kyak ci nei.

2 KORIN 12:11

Kei cu ak gu ah mäih ah ka kya lawk ci, cun cu nang mi ah na kyak sak ah kyak ci. Nangmi cu kei nak püi ciah nami kya khin te ci. Kei cu a i ah kä ka mawng pang ung phi, ang düihpüi ah nami k’bäi gui ah kä ka ng’neim pi khai.

2 KORIN 11:31

Kei kä ka hleeihlak ah mawng cu Bawi Jesuh ah Pa Khanpughi naw hmat ci, cun ah Bawi ah ming cu angtäi sei hlüngtai sä!

JOHAN 10:36

Khanpughi naw kei cu na ghü ne khomdek khan ah na tüi lawk ci. Cun ah kyasei, ‘Kei cu Khanpughi ah na Htapa ah ka kyak ci’ ka ci ah phäh ah Khanpughi m’kat ne thu ka pyein ah, a i chaa ah nami pyein hning khai ang?

NG'THU K'THUUK~ 8:7

Kei ah ka pyen phung cu ng’düng ci nei. Hleeihlak cu kei naw ka thüi nak ci.

JOHAN 5:31

Kei naw ka mät ah mawng pyein ne ka saksi ung kä nami ngaih gep khai.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;