JOHAN 8:11 - Cho Bible Common Language 2016

¹¹ Cun ah hnumi naw, “Bawipa, tumat phi kä om ba ci nei” ci ne pyein ci. Bawipa Jesuh naw, “Kei naw phi na katnak kä ka ning m’khoichaa khai, hteit baä, cun kawn ah katnak kä na bi ba vai” ci ne kiak nak ci.)

JOHAN 8:11 Referans Kwoze

JOHAN 3:17

Khanpughi naw A Htapa am kyum law cu, khomdek khan ah kat nak m’kat khai ah kä kyak ci, hun phiawn nak pek khai ah kyak ci.

JOHAN 5:14

Cun kawn ah Bawipa Jesuh naw cun ah chang cu pum im ah hmu ba netah, “Tuhbäi na gai lawk ci, cun kawn ah hmakat nak kä na bi vai, hmakat nak na bi ba ung cun ah tä pi cicu na aut khai” ci ne kiak nak ci.

JOHAN 8:15

Nangmi naw chang ah ng’yak hlü bäng ah m’khoichaa nak nami bik ci; kei naw a u ah khan ah phi m’khoichaa nak kä ka bik ci.

LUKA 15:7

Acun ah mäih ah kei naw akcang ka pyein cu, ang yu ba vai kä hlü ciah chang k’ni ko-kip-lei-ko ah mä, changshe tumat ang yu ba ah hmawk ah yeikyai nak däm pi khai nei” cik ci.

LUKA 5:32

Kei cu chang k’ni gui ng’yu ba khai gui ah ka khü gui khai ah ka lawk ciah kä kyak ci, changshe gui ng’yu ba khai gui ah ka khü gui khai ah ka lawk ci” cine pyen na gui ci.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

JOB 34:31

Na katnak gui cu Khanpughi ah ma ah na ng’kia ne ang? Kat nak kä na bi ba khai ah shaitak nak na bi ne ang?

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

LUKA 13:3

Cun ah mäih ah nangmi phi kä nami ng’yu ba ung sih maih nak ung nami gawk khai.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

JOHAN 18:36

Bawipa Jesuh naw, “Kei ah uknak kho cu shin ah m’dek khan awn kä shigaa ci; kei ah uknak kho cu shin ah m’dek khan awn ashigaa vai sü ung, Jew chang gui ah kut ung kä ka gawk khai ah ka ng’khah püi gui naw ng’tuk bik khai gui süte. Kei ah uknak kho cu shin ah m’dek khan awn kä shigaa ci nei” cine pyein ci.

LUKA 15:32

Cun ung phi nang na nau cu ayan si te ci, tuhbäi ghing law ba ci, ayan maih te ci tuhbäi mi hmu ba ci. Cun ah kyasei mik mi cu mi yeikyai ne, ei awk nak mi bi püi ah kyak ci,” ci ne m’cäi gui ci.

LUKA 13:5

Ngami cu kat nak bi pi ci gui ah kä kyak ci, ci cu ka ning m’thein gui hlük ci. Cun ung nangmi phi kä nami ng’yu ba ah a kiak ung ngami ah mäih ah nami si tuk khai” cik ci.

ISAIAH 55:6

Bawipa ah ng’hlat ne, ani ah k’taigü vä, Tuhbäi ani cu ng’et pyi ci nei.

THULÄÄN NAK 17:9

Taigü Levit gui la acun sangung suki ng’vaihta gui am m’thein gui ne, cun ah mawngma cu pyi phleh sak gui vai.

THULÄÄN NAK 16:18

“Bawipa nami Khanpughi naw a ning pek gui ah gawnu päng ung suki gui la a hei ng’vai gui nami m’düih gui vai. Shin ah chang gui naw chang gui cu kä m’khoi hnga ne m’khoichak khai gui.

2 PETER 3:15

Kami nau Paul naw Khanpughi ah peit ah cüivai nak awn ca a ning guk law gui ah mäih ah Bawipa ah hnimgei nak cu, hun nak nami gah vai ah lam a ning m’awng peit gui ah mawng cu, nami hmat vai nei.

1 KORIN 5:12

Chang hei gui nüng m’khoichaa vai cu kei ah bi ah kä kyak ci. Ngami cu Khanpughi naw m’khoichaa gui khai. Cun ung phi nangmi naw nami mät ah chang bum ungka nami ng’thumcha hning ciah kä kya ne ang! Cacim naw, “Nami changbum ung kaa, chang she cu k’täm vä” cine pyein ci.

LUKA 9:56

Cun kawn ah Bawipa Jesuh la ang düihpüi gui cu a hei pigaw tumat ah hteit ci gui.