JOHAN 7:42 - Cho Bible Common Language 2016

⁴² Messiah cu David Ghangpughang ah htang’shon, David Ghangpughang ah gawnu Bethlehem ung ng’tüi lawk khai ciah, cacim ung om ciah kä kyasei ang?” cik ci gui.

JOHAN 7:42 Referans Kwoze

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

MATTHE 2:5

Ngahmi naw, “Judea kho, Bethlehem gawnu ah ng’tüi khai nei, Profet ah guk ah cacim ung:

LUKA 2:4

Josef cu Kalile kho Nazaret ungka naw, Ghangpughang David ah ng’tüi nak Judea kho Bethlehem gawnu ah hteit ci. Josef cu David ah hta ng’shon ah kyak ciah kya ne acu ah hteit ciah kyak ci.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

MATTHE 1:1

Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

SAM 132:11

Nang naw David ung bä ciah shaitak na bik ci cun ah shaitak cu nang naw kä na la ba khai: “Kei naw na hta gui ungka tumat cu ghangpughang ah ka hmoh khai, Nang ah kawn ah ani naw uk khai.

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

SAM 89:4

Nangmi ah hta ng’shon cu ngawi yä ghangpughang ah kyak khai, “Nang ah hta ng’shon cu ngawi yä ka khän sak khai,” na cik ci.

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

JOHAN 7:27

Messiah cu a law ung a hawi ah kaa lawk ciah a u naw kä hmat khai, cun ung phi shin ah chang ah a law nak cu a u naw phi mi hmat ci nei” cik ci.

1 SAMUEL 17:58

Saul naw, “Chang nong, a u ah ning hta ang?” ani naw, “Kei cu Bethlehem ah ka na changshäm Jesse ah na hta nei” cine David naw m’shang ci.

1 SAMUEL 16:4

Bawipa naw bi vai ah am thein ah mäih ah Samuel naw bik neta, Bethlehem ah hteit ci, a cu ah mang gaw ng’vai gui cu, hteit ne law ne, hmu law u neta, “Shin cu dimdeeih nak awn na om law tuk ci ma, mikhmu?” cik ci gui.

MATTHE 2:6

‘Judea kho ung om ciah Bethlehem gawnu, Nang cu Judea kho gawnu gui ung, Ak yaw pibäih ah kä na kyak ci nei, Ka chang Israel gui, lam shüm gui khai cu, Nang ungka dang lawk khai nei’ ciah om ci,” ci ne m’thein ba gui ci.

1 SHONTÄP NAK 2:51

Ani ah a hnih nak ah a hta Salma naw Bethlehem gawnu k’süm ci, ak thum nak ah a htapa Hareph naw Bethkadera gawnu k’süm ci.