JOHAN 7:4 - Cho Bible Common Language 2016

⁴ Ming thang hlük ciah chang naw a u naw phi a bilawh cu käm yih man ci nei. Nang naw cäi aih gui vai na bi ba ung, khomdek ah khan ung chang avan naw a hmat vai ah na bi vai nei” cine pyein ci gui.

JOHAN 7:4 Referans Kwoze

JOHAN 18:20

Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.

LUKA 6:45

Am lung ngaih nik cicu akni ah ng’thu ng’htau ci, am lung ngaih shek cicu akshe ah ng’thu ng’htau ci. A i ah kyasei ci ung, chang naw am lung ung om ci vah, a shai awn pyein ci.

MATTHE 23:5

Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

MATTHE 6:16

‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

MATTHE 4:6

“Cacim ung,” Khanpughi naw nang ning m’hteihtang khai gui ah khankho chang gui yuk tüi law sei, ngami naw nang ah kho cu lung naw kä ning tawn-en khai ah ning chang khai gui’ ciah om ci. Cun ah kyasei nang cu Khanpughi ah Htapa akcang ah na kiak ung yu ng’htoü shüm ä, cine pyen nak ci.

1 GHANGPUGHANG GUI 22:13

Cun sang ung Mikaiah va khü ciah bawi naw ani am, “A hei prophet gui ami van naw ghangpughang ah näng nak vai ah ng’cängbang ci gui, nang naw phi acun ah mäih na bi ung bä pi khai” ciah pyen nak ci.

JOHAN 7:3

Cun ah kyasei Bawipa Jesuh ah anau gui naw, “Nang ah bilawh gui cu ning läk lawk ciah chang gui naw, ami hmuhmat tu vai ah shin ungka pawng ne, Judea kho ah hteit baä,

JOHAN 7:5

(A nau gui naw phi Bawipa Jesuh cu kä yum ci gui.)