JOHAN 7:38 - Cho Bible Common Language 2016

³⁸ Cacim ung om ciah mäih ah, kei na yum ciah chang ah m’lung kyong ung ghin nak tui cu, tui-ci lawng ah mäih ah khawng ne long khai nei” cine m’lau ne pyein ci.

JOHAN 7:38 Referans Kwoze

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

ISAIAH 58:11

Cun ung kei naw angtäi sei lam ning m’shüm gui ne, akni gui awn ka ning büh bei sak gui khai. Kei naw ning khüighat sak gui ne ka ning gai sak gui khai. Nangmi cu tui akda awn sawi ah duin ah mäih ah nami kyak khai, kä ket hlawt ciah tuilawng ah mäih ah nami kyak khai.

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

ISAIAH 12:3

Tuigei naw tui gha ci a yei sak ah mäih ah, khanpughi naw a chang gui cu hun gui sei, yeikyai ci gui nei.”

JOHAN 4:10

Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

NG'THU K'THUUK~ 10:11

Changt ni ah ng’thu cu ghin nak ah tui khawng ah kyak ci, Cun ung phi changshe ah ng’thu ung shaishe ng’thup ci.

ZEKHARIAH 14:8

Cun ah hnüüp a gawk law ung tui akci cu Jerusalem ungka long lawk khai, a teih cu Tuisi Tuinu ung yu kyum khai, a teih cu Mediteranean tuinu ung yu kyum khai. Cun ah tuinu cu a kum pum ung a htui a cha ung long khai.

NG'THU K'THUUK~ 18:4

Chang ah ng’thu cu cuivai nak ah ang yung ah kya hning ci, tuinu ah maih ah thuuk ne tuihta ah maih ah cii ci.

ISAIAH 59:21

Nangmi awn thum khän ka bik khai: kei naw ka huham la ka m’theithang gui cu khonglän ung nami ka vai ah ka ning pe gui ci, tuhbäi ung tün ne lawk ciah a khin avan ung, nangmi naw kei cu nami na läk vai, kei na ngai khai gui ah nami htanau gui la nami hta ng’shon gui nami m’thei thang gui vai.”

THULÄÄN NAK 18:15

Cun nak vaisü ung ani naw kei ah mäih ah prophet tumat cu ami mät ah chang ungka ning tüih law gui khai. Nangmi naw ani cu nami ngaih vai.

EPHESIAN 5:9

Akdei naw nikiom nak a hlühlü, kümbe htingling nak la düngdau nak gui cu dang sak ci.

ISAIAH 35:6

Ak shum khem gui ng’phäi ne ng’lam khai gui, kä ng’thu thei ci gui yei ne m’lau khai gui. Tuihta lawng gui naw khaw kiang khaw kan ne long khai gui;

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!