JOHAN 7:37 - Cho Bible Common Language 2016

³⁷ Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

JOHAN 7:37 Referans Kwoze

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

JOHAN 6:35

Bawipa Jesuh naw, “Kei cu ghin nak m’htut ah ka kyak ci, kei ah lawk cicu a i sangung phi ei kä cawi ba khai; kei na yum cicu a i yah ung phi tui kä gha ba khai.

ISAIAH 12:3

Tuigei naw tui gha ci a yei sak ah mäih ah, khanpughi naw a chang gui cu hun gui sei, yeikyai ci gui nei.”

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

JOHAN 4:10

Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

SAM 42:2

Ghing ciah Khanpughi, nang cu tui ah gha ne ka ning ging co ci nei. A i yah ung na ma ah hteit ne, ka ning khawihnah hlawt khai aw?

SAM 63:1

O Khanpughi, nang cu ka ning Khanpughi nei, kei cu nang awn ka ghing ci. Ka pumsa avan naw nang ning za hlük ci; chawng ne, ng’gau ne, tui kä om ciah ng’lei ah mäih ah ka mümcha naw tui ah ning gha ci nei.

SAM 143:6

Na ma ah ka kut shäng ne ka taigü ci; kho ng’gau kho ah mäih ah ka mümcha naw tui ah gha ne ning ng’ya hlük ci.

THU PHLAAN 22:1

Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

1 KORIN 12:13

Acun ah mäih ah, Jew chang, khui hei chang, chang khleihtein, chang ng’päi om, chang mi van cu Mumchabawi tumat ung tui mi ng’hniim u ne, pumsa tumat ah mi kya lawk ci. Acun ah Mumcha cu chang mi van naw mi gah ah kyak ci.

JOHAN 6:55

Kei ah sa cu ei akcang ah kyak ci, kei ah si cu awk akcang ah kiak ci.

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

KHEI NAK 29:35

A hnüüp cheit hnüüp khawihnah vai ah avan nami bum vai, a i phi kä nami bi vai.

1 KORIN 10:21

Nangmi naw Bawipa ah khap cu aw netah, khoshe ah khap cu kä nami aw hning ci; Bawipa ah tawnglang ung ei netah, khoshe ah tawnglang ung kä nami ei hning ci.

1 KORIN 10:4

Ngahmi cu, ngami awn a täng ah hteittuk ciah mümcha lungnu ung kaa tui cu awk ci gui; Cun ah Lungnu cu Bawi Khrih amät ah kyak ci.

ISAIAH 58:1

Bawipa naw pyen ci, “Nami mtau hning ah m’lau vä! Ka chang gui Israel gui am ami katnak m’thein gui vä!

TAIGÜTHUM 23:36

Cun ah hnüüp chih ung a hnüüp tä sei, ei-douthak nak cu nami bi vai. A hnüüp cheit ung khawihnah vai ah a täng ah law ba mä u ne, ei-douthak nak nami douthak vai. Cun cu khawihnah nak ah hnüüp ah kyasei nangmi naw a i kä nami bi en vai.

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

1 KORIN 11:25

Acun ah mäih ah müei ami ei kawn ah khap cu la netah, “Shin ah khap cu kei ah ka si ng’hlui awn geei ne m’hnüt ah Khanpughi ah Thukhän thai ah kyak ci. Shin ah khap nami awk law phung ung kei nami na shüm nak vai ah shikchaa ah nami bi vai nei” cine pyein ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

JOHAN 6:37

Kapa naw a na ap ah chang phung cu kei ah lawk khai gui. Kei ah lawk ciah chang phung cu a u phi kä ka m’hlat ba khai.

JOHAN 5:40

Cun ung phi nangmi cu angtäi ghin nak gah vai ah kei ah kä nami law hlük ci.

JOHAN 1:23

Johan naw, “Kei cu profet Isaiah ah pyein ah mäih ah, Bawipa ah lam ng’düng sak vä cine, bungpuk ah ng’khü ciah chang ah ka kyak ci” cik ci.

ZEKHARIAH 9:15

Hlüngtai ciah Bawipa naw a chang gui cu shung vong khai, Ngami naw ami ga gui cu m’di khai gui. Ngami cu awktat ciah mäih ah ng’tuk nak ung ng’hawh shaak khai gui. Ngami naw ami ga gui ah si k’theh khai gui; Cun cu ng’ghu thaa nak ah si ah mäih ah long ne, K’pawng ungka sonkiang ung yu long khai!

MIKHAH 6:9

Cüivai ci naw Bawipa cu kyih aa ci. Ani naw mang gaw khü ne, ngai vä, nami mang gaw ung ng’bum ci gui nei!

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

ISAIAH 40:6

M’lau ciah k’aw tumat naw, “Ng’thu ng’shäu vä!” ci sei, “A i ng’thu ka ng’shäu vai ang?” cine ng’shi ung. “Shäu vä, hnicim chang avan cu m’ghaw ah mäih ah kyak ci nei; Ngami cu bung hmu ah cheipai ah mäih ah akshou kä om khai gui.

NEHEMIAH 8:18

Pawi tün nak hnüüp ung tüi ne ang pyi ung khüt sei, Khanpughi ah thukhän avang cicu a hnüüp tä phat ci gui. Ngami naw cun ah pawi cu hnüüp chih ung bik ci gui, ak hnüüp cheit hnüüp ung thukhän naw ak thäh mäih ah khüüp pawi nak bik ci gui.

TAIGÜTHUM 23:39

Nangmi naw nami lo ung geit nami khäm law ah a kyak ung, shin ah pawi cu hnüüp chih ung nami bi vai, a cha chih nak ah a hnüüp gha lei hma hnüüp ung nami tün vai. A hnüüp ät nak cu ng’düm nak vai ah aktung hnüüp ah kyak khai.

JOHAN 7:28

Taigü im ung m’theithang gui ne a om yah ung Bawipa Jesuh naw, “Nangmi naw kei cu nami na hmat ci, a hawi ah kaa ka law phi nami hmat ci. Cun ung phi kei cu ka mät ah ngaih ah ka lawk ciah kä kyak ci, kei na tüi lawk cicu düng nak awn kümbe ci, ani cu nangmi naw kä nami hmat ci.

ISAIAH 40:2

Jerusalem chang gui k’thamah nak pe gui ä. M’thein gui ä, ami yaica nak cu shou lawk ci nei, tuhbäi ngami ah natnak cu m’geinsei pyi nei. Ngami ami katnak avan ah phäh ah akbe ah ka m’kyuk gui pyi ci nei.”

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

NG'THU K'THUUK~ 8:3

Mang gaw luh nak la m’kat ah pei ung, ani ng’khü ci.

MATTHE 3:3

Profet Isaiah naw, “Bawipa ah law nak vai lam pyang vä, Ani ah hmawk ah lam cu düng sak yawp vä, cine, chang tumat bungpuk ah ng’shäü ci nei” a cicu Johan a pyein ah kyak ci.

NG'THU K'THUUK~ 9:3

Ani naw pigaw ng’lung ah a hlüng nak pi ung ng’khü khai gui ah hnumi hta gui cu tüi gui ci.

NG'THU K'THUUK~ 8:1

Ngai vä! Cüivai nak cu ng’khü ci nei. Hmuhmat nak cu k’aw mah ne m’lau ci nei.

NG'THU K'THUUK~ 1:20

Ngai vä! cüivai nak cu lamtung ung ng’khü ci nei.

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.

EZEKIEL 47:9

Cun ah tui lawng a lon nak päng ah khisa gui apäng avan la nga gui om ci gui. Cun ah tui lawng naw tuisii tuinu ung tui cu ci sak khai, acun alon nak päng ah ani naw ghin nak law püi khai.

MATTHE 5:6

“Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

JOHAN 4:11

Cun ah hnumi naw, “Bawipa, nang ung tui than nak vai phi kä om ci, tui shawk phi thuuk ci, a i chaa ah ghin nak tui gei cu na gah khai ang?