JOHAN 7:31 - Cho Bible Common Language 2016

³¹ Chang khli ungka akda naw Bawipa Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.

JOHAN 7:31 Referans Kwoze

JOHAN 12:42

Cun ung phi huham nak om ciah Jew chang akda naw Bawipa Jesuh cu yum ci gui. Cun ung phi pharisee gui naw ngami cu pum im ungka amik täm gui vah kyi u netah, a u naw phi ayum nak ah mawng cu ang dang ah kä pyein ci.

MATTHE 12:23

Chang gui cu ang htei ah cäicat u netah, “Shin ah chang cu David ah htapa ah kyak khai ang? cine kyak ci gui.

LAMKTU 8:13

Simon amät cun phi yum law tu netah, tui ng’hnim tu neh Philip ah pei ah om tuk ci. Ani cu cäi aih gui vai lah ngaih khit gui vai cu hmu netah ang htei ah cäicat ci.

JOHAN 11:45

Cun yah ung Mari ah om nak ah lawk ciah chang akda naw, Bawipa Jesuh ah bilawh cu hmu tu u netah, Bawipa Jesuh cu yum lawk ci gui.

JOHAN 9:16

Pharise am shah naw, “Ani cu kyin nak thukhän kä ngai ci, Khanpughi ah kaa lawk ciah kä kyak khai” cik ci gui. Am shah naw, “Kat nak abi ah a kyak ung cäi aih vai gui kä bi hning khai sü te” cik ci gui. Cun ah kyak ne ngami cu ami ngaih ng’pai lawk ci.

JAMES 2:26

Cun ah kyasei, mümcha kä om ciah pumsa cu ak si ah a kyak ah mäih ah, hnünthawh nak kä om ciah yum nak cu aksi ah kyak ci.

JOHAN 12:11

A i ah kyasei ci ung, Lasaruh ah hmawk ah Jew chang gui naw, ngami cu nawng-en gui ne, Bawipa Jesuh cu ami yum law ah hmawk ah kyak ci.

JOHAN 6:2

Gawpai ci gui a gai sak ba gui cäi aih vai ah hmu tu te ci gui ah chang akda naw a hnu ah läk lawk ci gui.

JOHAN 4:39

Samaritan hnumi naw, Bawipa Jesuh naw a päng avan a hmat ah mawng cu m’thein tu gui sei, Samaritan chang akda naw Bawipa Jesuh cu yum ci gui.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.

LUKA 8:13

Lung hmu ah kya lawk ciah m’shi ci cu, Khanpughi ah ng’thu ng’ya ne yeikyai ne yum ci gui ah kyak ci. Cun ung phi ngami ah m’lung kyong ah Khanpughi ah ng’thu cu kä khäng ne, ashäng hta düt lüng sei tüihtok nak a bui awt law ung maih yei ba ci.

JOHAN 4:29

“Kei ah ka om ih phung avan pyein hning ciah chang lawk ci nei, law ne teng law tu vä, ani cu Messiah ah kyak khai nei,” cik ne m’thein gui ci.

JOHAN 7:26

Teng vä, ani naw, chang khli naw a hmuhmat vai ah m’theithang ci nei. Cun ung phi a u naw phi kä maa nak ci nei. Ani cu Messiah ah kyak ci, ciah ang vai gui naw phi akcang ah hmat u ne ang?