JOHAN 7:30 - Cho Bible Common Language 2016

³⁰ Chang gui naw Bawipa Jesuh cu phak khai gui ah tha na tu pang u ne phi, amät ah khin kä gawk phak ci kyasei, a u naw phi kä phak ci gui.

JOHAN 7:30 Referans Kwoze

JOHAN 10:39

Cun ci khätah chang gui naw, Bawipa Jesuh cu phak khai gui ah tha nak ci gui, cun ung phi ani naw lek gui ne a hei ah hteit ci.

JOHAN 8:20

Shin cu Bawipa Jesuh naw, Taigüim khawh peit nak ah kyong khui ah am theithang gui ah kyak ci. Cun ung phi amät ah akhin kä gawk law phak ciah kyak sei, ani cu a u naw phi kä phak ci.

JOHAN 7:6

Bawipa Jesuh naw, “Kei ah akhin kä gawk law phak ci, nangmi ah a khin läi cu angtäi sei gawk lawk ci.

JOHAN 7:32

Cun ah chang gui naw, Bawipa Jesuh ah mawng ami pyein cu ng’ya u netah, pharise gui la taigüpa gui naw, gakap gui cu tüi ne Bawipa Jesuh cu phaa sak gui ci gui.

JOHAN 11:57

Taigüpa gui la ang vaipi gui naw, “Jesuh cu pha vai kya sei, ani ah om nak hmat ciah chang naw a pyein law vai nei” ci ne ng’thu ami m’shäk yawp pyi ah kyak ci.

JOHAN 9:4

Kei na tüi lawk ciah ah bi cu kho adei yah ung mi bik khai. A u naw bi kä abi nak hlawt vai ah kho a münak gawk lawk khai.

JOHAN 8:59

Ngami naw Bawipa Jesuh ami vawih nak vai lung kaw ci gui. Cun ung phi Bawipa Jesuh cu ng’thup ne Taigüim ungka a hei lam ah hteit ci.

JOHAN 8:37

Nangmi cu Abraham ah hta ng’shon gui ah ka ning hmat gui ci. Cun ung phi kei ah m’theithang kä ng’ya hlü u ne, kei nami na ngawn khai ah nami tha nak ci.

JOHAN 7:19

Moses naw thukhän ning pe gui ciah kä kya ne ang? Nangmi tumat naw phi thukhän kä nami läk ci. A i ah kyasei kei nami na ngawn khai ah nami pawng püi ang?” cine kyak na gui ci.

JOHAN 7:8

Cun ah pawi ung nangmi hteit vä, kei cu ka khin kä gawk law phak ciah kyasei kä ka hteit khai” cine kyak na gui ci.

LUKA 22:53

Kei cu nangmi awn a täng ah ak hnüüp tä sei pum im ah om lang ngä sei, a i ah kyasei kä nami na pha ang? Cun ung phi nangmi ah akhin cu kho hmüp khui ah kyak ci,” cine pyen na gui ci.

LUKA 20:19

Thukhän saya gui la taigü ng’vai gui cu, Bawipa Jesuh naw ngami-am ci gui ah amtumtäng cu hmat u netah, Bawipa Jesuh cu pha hlük ci gui. Cun ung phi chang gui cu kyih gui ci gui.

MAKUH 11:18

Taigü ng’vai gui la thukhän saya gui naw, acun a ci cu ng’ya u netah, Bawipa Jesuh ngawn nak vai ah lam cu shui ci gui. Chang gui naw cun ah am theithang gui cu cäicat ne ngai khit u netah Bawipa Jesuh cu kyihkyawk ci gui.

MATTHE 21:46

Cun ah kyasei ngami naw Bawipa Jesuh cu phaa vai ah k’tha nak ci gui. Cun ung phi ngami naw, “Bawipa Jesuh cu profet nei,’ cine yum ciah chang gui cu kyih gui ci gui.

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

JOHAN 10:31

Cun ci khätah chang gui naw ami vawih nak vai lung kaw ba mä ci gui.

MATTHE 12:14

Pharisee gui cu pum im ungka hteit ba u netah Bawipa Jesuh cu ngawn vai ah ng’ge ci gui.