JOHAN 7:3 - Cho Bible Common Language 2016

³ Cun ah kyasei Bawipa Jesuh ah anau gui naw, “Nang ah bilawh gui cu ning läk lawk ciah chang gui naw, ami hmuhmat tu vai ah shin ungka pawng ne, Judea kho ah hteit baä,

JOHAN 7:3 Referans Kwoze

MATTHE 12:46

Bawipa Jesuh naw chang gui am theithang gui yah ung, anu la anau gui cu gawk law u neh, ani awn ng’hmuh hlü u netah akpung ah ng’düi ne ak ngäng ci gui.

JOHAN 7:5

(A nau gui naw phi Bawipa Jesuh cu kä yum ci gui.)

LAMKTU 2:14

Cun kawn ah Peter cu ang’düihpüi chang gha lei ät ah ng’lung ah ng’düi law ne tah, ak’aw ng’shawng awn, “Judah chang gui lah Jerusalem ung om ciah chang gui, nami van naw nang ngai vä, shin ah mawng cu ka ning m’thien gui khai.

JOHAN 7:10

Cun ah pawi ung anau gui ami hteh kawn ah Bawipa Jesuh cu adüm ah hteit tuk ci.

LUKA 8:19

Bawipa Jesuh ah anu la anau gui cu a om nak ah lawk ci gui. Cun ung phi chang da aih sei kä hmu hlawt ci gui.

MAKUH 3:31

Bawipa Jesuh ah anu la anau gui cu gawk law u ne, im ah ak pung ah düi u netah, Bawipa Jesuh cu va khü sak gui ci gui.

JEREMIAH 12:6

Na mätyah gui, na kyong khui chang gui phi nang ung kä bekhüt ci gui nei; Nang ning hma ne ning hnungtuk püi ci gui ung ng’dawn tuk ci gui nei. Ngami naw ng’khawt nak ah ng’thu awn ami ng’htau ung phi, kä na ngaih gep en gui vai nei.”

1 SAMUEL 17:28

David naw chang gui ang thu püi gui cu a phäi ang vai pi Eliab naw ng’yak ci. Ani cu David ah khan ah m’lung she neta, shin ung a i na haw lawk ci ang? Bung hmu ah na htawme gui cu a u naw ang a shäm? Nang changshe hta! Ng’tuk na teng tu düt khai ah na lawk ci nei” cik ci.

ATÜNNAK 37:20

Ani cu ngawn neta, hu ciah khui shawk ung mi chah khai, sa naw lo ci nei, mi cik khai. Cun kawn ah ang mang cu mi näät khai nei” cik ci gui.

MAKUH 3:21

Chang gui naw, Bawipa Jesuh-am, “Gu lawk ci nei” cine kya u sei ng’ya u netah, Bawipa Jesuh ah ak kyong ungka gui cu, ani m’hteihtang khai gui ah a pei ah lawk ci gui.

JOHAN 2:2

A cu ah Bawipa Jesuh ah nu cu om tuk ci. Bawipa Jesuh la angdüihpüi gui cun phi hta m’um nak ah khü tu gui ci gui.

JOHAN 6:60

A hnu ah läk ci gui ah chang akda naw, shin ah ng’thu gui cu ng’ya u netah, “Shin ah am theithang gui cu ghaat aih ci, a u naw läk m’khüt khai ang?” cik ci gui.

JOHAN 6:66

Cun ung tün ne Bawipa Jesuh ah angkhah püi gui akda cu kängläk tu ba ne ng’hlat ba shüt ci gui.

JOHAN 7:4

Ming thang hlük ciah chang naw a u naw phi a bilawh cu käm yih man ci nei. Nang naw cäi aih gui vai na bi ba ung, khomdek ah khan ung chang avan naw a hmat vai ah na bi vai nei” cine pyein ci gui.

LUKA 8:20

Chang gui naw, “Na nu la na nau gui naw ning hmu hlü u ne ak pung ah ning ging ci gui nei” cine m’thein lawk ci gui.