JOHAN 7:28 - Cho Bible Common Language 2016

²⁸ Taigü im ung m’theithang gui ne a om yah ung Bawipa Jesuh naw, “Nangmi naw kei cu nami na hmat ci, a hawi ah kaa ka law phi nami hmat ci. Cun ung phi kei cu ka mät ah ngaih ah ka lawk ciah kä kyak ci, kei na tüi lawk cicu düng nak awn kümbe ci, ani cu nangmi naw kä nami hmat ci.

JOHAN 7:28 Referans Kwoze

JOHAN 8:42

Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

JOHAN 8:19

Ngami naw, “Napa cu a hawi ang?” cine ng’shik ci gui. Bawipa Jesuh naw, “Nangmi naw kei phi kä nami na hmat ci, Kapa phi kä nami hmat ci. Kei nami na hmat vai sü ung Kapa phi nami hmat khai sü te” cine pyen na gui ci.

JOHAN 8:26

Nangmi ah mawng ka pyein vai akda om ci, nami katnak ka ning m’kat gui vai phi akda om ci. Kei na tüi lawk cicu düng ci, ani ung kang yak gui bäng vah, khomdek chang gui-am ka ning m’thein gui ci,” cine pyen na gui ci.

JOHAN 8:14

Bawipa Jesuh naw, “Kei naw ka mät ah mawng ka saksi cu, ngaih gep ci. A i ah kyasei ci ung, a hawi lam ah kaa law ne, a hawi lam ah hteh ba vai cu kei naw ka hmat ci, Nangmi naw a hawi lam ah kaa law ne, a hawi lam ah hteh ba vai cu kä nami hmat ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

JOHAN 12:49

A i ah kyasei ci ung, kei naw kamät ah ngaih ah thu ka pyein ciah kä kyak ci, na tüi lawk ciah Kapa ah huham awn ng’thu ka pyein ah kyak ci.

JOHAN 5:43

Kei cu Kapa ah m’khüt näng nak awn ka lawk ci, cun ung phi nangmi naw kä nami na dou ci. Chang tumat cu amät ah m’khüt näng nak awn a law vai sü ung nami dou khai sü te nei.

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

1 JOHAN 5:10

Khanpughi ah Htapa yum ciah chang phung naw shin ah saksi cu am lung kyong ung shum ci. Cun ung phi Khanpughi kä yum ci läi cu, Khanpughi naw A Htapa ah mawng a pyeinsak cu kä yum ci kya ne, Khanpughi hleeihlak ciah mäih ah ng’lat sak ciah chang ah kiak ci.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

2 KORIN 1:18

Khanpughi ah ng’thu cu akcang ah ng’düng ci kyasei, kei ah shaitaak cu, “ä la ka” hnih ah kä kyak ci.

ROMAN 3:4

Cun ah kä kyak ci, chang ah hta van a hleeihlak ung phi Khanpughi cu ng’düng khenggeng ne om ci. Cacim ung, “Thu na pyein cu ng’düng bäbä ne, M’khoichaa nak na aut ung phi näng nak om khai nei,” ciah om ci.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

LAMKTU 17:23

Kei cu nami gawnu avan ung hteit shüi shüi ne, nami taigü nak gui cu teng netah, ‘Kä hmat ah Khanpughi ah’ cine ca guk ah taigü kiang tumat cu ka hmuk ci. Cun ah nang mi naw kä hmat ne nami taigü ah Khanpughi ah mawng cu tuk bäi ka ning m’thein gui ah kya ci.

JOHAN 17:25

“Düng ciah Kapa! M’dek chang gui naw kä ning hmat u sei phi, kei naw ka ning hmat ci nei. Shin ah chang gui naw kei cu, nang naw na na tüih law ah hmat ci gui nei.

JOHAN 16:3

Ngami cu Kapa phi kä hmat ci gui, kei phi kä na hmat ci gui ah kia ne, acun ah bik khai gui nei.

JOHAN 14:31

Cun ung phi kei naw Kapa kam hni cu m’dek chang avan naw a hmat vai nei, Kei naw Kapa cu m’hni ne a nam cäi phung avan ka bik ci, ‘Law vä a hei ah mi hteit kaw’ cik ci.

JOHAN 14:10

Kei kapa ung ka om ci, Kapa kei ung om ci ‘Ka cicu kä na yum ci ma? Nangmi ah ma ah kei ah pyein gui cu ka mät ah ng’thu ah kä kyak ci, kei ah bi gui cu kei ung om ciah Kapa ah bi gui ah kyak ci.

JOHAN 10:36

Khanpughi naw kei cu na ghü ne khomdek khan ah na tüi lawk ci. Cun ah kyasei, ‘Kei cu Khanpughi ah na Htapa ah ka kyak ci’ ka ci ah phäh ah Khanpughi m’kat ne thu ka pyein ah, a i chaa ah nami pyein hning khai ang?

JOHAN 8:16

Kei naw m’khoichaa nak ka bi ung phi cun cu ng’düng ci. A i ah kiasei ci ung kei cu ka mät ka om ciah kä kyak ci, na tüi lawk ciah Kapa Khanpughi awn a täng ah kani om ci.

JOHAN 5:32

Cun ung phi kei ah mawng pyein ne saksi ci tumat om ci. Ani ah saksi cu düng ciah kei naw ka hmat ci.

JOHAN 3:33

Ani ah ng’thu dou ciah chang naw Khanpughi cu düng nak ah a kiak ah mawng dang sak ci.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

JOHAN 1:46

Nahtanelah naw, “Nazaret ungka akni ng’tüisho hning khai ma?” ci khätah, Philip naw, “Law ne teng lawä” cik ci.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

LUKA 2:51

Cun kawn ah ak hmawhta Jesuh cu anu la apa awn a täng ah Nazareth ah hteit ba u netah, anu la apa ah ng’thu ngai ne om ci. Cun ah a kiak ah mawng gui cu anu Mari naw am lung kyong ung avan htin ci.

LUKA 2:39

Josef la Mari cu Bawipa ah thukhän ami bi kawn ah ami pigaw Kalile kho Nazaret ah hteit ba ci gui.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

LUKA 2:4

Josef cu Kalile kho Nazaret ungka naw, Ghangpughang David ah ng’tüi nak Judea kho Bethlehem gawnu ah hteit ci. Josef cu David ah hta ng’shon ah kyak ciah kya ne acu ah hteit ciah kyak ci.

MATTHE 2:23

Nazaret gawnu ah om tuk ci. Cun cu profet gui ah ng’thu pyein ung, “Ani cu Nazaret chang ah kyak khai nei” ciah om ci cu aküm nak ah kyak ci.

HOSEA 5:4

Chang gui naw akshe ami bi nak naw Khanpughi ah ami ng’hlah law ba nak vai cu shungshet ci. Agup khawihnah nak naw huham mah ne k’pang gui ci. Ngami naw Bawipa kä shüm hmat ba ci gui.

HOSEA 4:1

Bawipa naw cun ah khaw ung om ciah chang gui cu hnungtuk ne k’bün gui ci, Israel gui ngai vä, ani naw a pyen cu, “Shin ah khaw ung bekhüt nak la m’hni nak kä om ba ci, chang gui naw kei cu Khanpughi ah kä na ngai ba ci gui.

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

SAM 9:10

Bawipa, ning hmat ci gui cu, ng’ap lawk khai gui nei; Nang ah lawk ci a u phi nang naw kä na ma nak ci nei.

1 SAMUEL 2:12

Eli ah hta gui cu chang sawkshe gui ah kyak ci. Ngami naw Bawipa cu a i ah kä sui ci gui,

JOHAN 7:14

Pawi ami bi nak kho hnüüp cawih cawih law khätah, Bawipa Jesuh cu Taigüim ah hteit ne m’theithang gui ci.

MATTHE 26:55

Cun kawn ah Bawipa Jesuh naw, chang gui-am, “Nangmi cu m’gut ei pha ah mäih ah kei nami na phak khai ah, htung tawn ni khim ni kawt ne nami lawk ci ma? Kei naw ak hnüüp tä pum im ung ngo ne kam theithang yah ung nangmi naw kei kä nami na phak ci maw?

JOHAN 6:42

“Shin ah chang cu Josef ah hta, Jesuh ah kä kya ne ang? Ani ah anu la apa phi mi hmat yawp ci maw, a i ah kyasei tuhbäi, ‘Kei cu khankho ah kaa ka kyum lawk ci’ a ci ang?” cik ci gui.

JOHAN 9:29

Khanpughi naw, Moses am thu am thein cu kami hmat ci, cun ung phi shin ah chang a hawi kaa a law ah kä kami hmat ci” cik ci gui.