JOHAN 7:26 - Cho Bible Common Language 2016

²⁶ Teng vä, ani naw, chang khli naw a hmuhmat vai ah m’theithang ci nei. Cun ung phi a u naw phi kä maa nak ci nei. Ani cu Messiah ah kyak ci, ciah ang vai gui naw phi akcang ah hmat u ne ang?

JOHAN 7:26 Referans Kwoze

JOHAN 7:48

Mi ng’vai gui la Pharise gui ung kaa, ani yum ciah chang om ne ang?

PHILIPPIAN 1:14

Kei cun ah thawng ung ka kyum ah hmawk ah phäi nau gui akda pi naw, Bawipa ami yum nak cu khängtek law pi ci. Cun ah kya sei ng’thu, amshah ung Khanpughi ah ng’thu ami pyein nak ung ngahmi cu kä kyikyawk ne k’thamah law pi ci gui.

LAMKTU 4:13

Peter la Johan cu hmuh hmat nak kä däm ciah chang ah kya lang ni neh ani ng’thu htaü hning cu kawngsi ng’vai gui naw hmuh u ne tah ang htei ah cäicat ci gui. Ngani cu Bawipa Jesuh ah ng’düihpüi gawi ah phi hmat gawi ci gui.

JOHAN 12:42

Cun ung phi huham nak om ciah Jew chang akda naw Bawipa Jesuh cu yum ci gui. Cun ung phi pharisee gui naw ngami cu pum im ungka amik täm gui vah kyi u netah, a u naw phi ayum nak ah mawng cu ang dang ah kä pyein ci.

JOHAN 9:22

Cun ah ami pyein cu Jew chang vai gui naw, Bawipa Jesuh cu Messiah nei, ciah yum ciah chang phung pum nak ung kaa, k’täm vai ah amik bäi pyi ah kyasei, acun ami kyih ah hmawk ah kiak ci.

LUKA 7:30

Cun ung phi Pharisee gui la ng’thukhän hmat ci gui läi cu, Khanpughi ah ng’yak hlü nawng ci gui ah kya ne, Johan ah tuihnim nak cu maa nak ci gui.

MATTHE 22:16

Ngami naw a ming khah püi gui la Herod ah pati chang gui cu, tüi gui u netah, Bawipa, nang naw akcang pyein ne chang ah hmawk ah Khanpughi ah ng’yak hlü cu nam theithang ci, chang gui ah m’lung ngaih cu kä nam tung ci, chang ah hmai phi kä na teng ci.

ISAIAH 42:4

Ani ung ngaih u nak la thamah nak kä maih khai; Ani naw khomdek khan ung taga nak cu khänhtek sak khai. Akhoshou nak ah ka gui naw ani ah m’theithang nak cu ng’ya hlü leng ne ngäng khai gui.”

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.

LUKA 23:13

Pilat naw taigüpa gui Jew chang ng’vai gui la chang a hei gui khü gui netah;

JOHAN 3:1

Jew chang gui ah ng’vaipi Nikodemus ming nak ciah pharise tumat cu, khomü ät ung Bawipa Jesuh ah om nak ah law netah,

JOHAN 4:29

“Kei ah ka om ih phung avan pyein hning ciah chang lawk ci nei, law ne teng law tu vä, ani cu Messiah ah kyak khai nei,” cik ne m’thein gui ci.

JOHAN 7:25

Jerusalem ah chang amshah gui naw, “Shin ah chang cu ang vai gui naw ngawn vai ah shui ci gui ah kä kyasei ang?

JOHAN 7:31

Chang khli ungka akda naw Bawipa Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.

JOHAN 18:20

Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.