JOHAN 7:19 - Cho Bible Common Language 2016

¹⁹ Moses naw thukhän ning pe gui ciah kä kya ne ang? Nangmi tumat naw phi thukhän kä nami läk ci. A i ah kyasei kei nami na ngawn khai ah nami pawng püi ang?” cine kyak na gui ci.

JOHAN 7:19 Referans Kwoze

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

JOHAN 11:53

Cun ah hnüüp ung tün ne Jew chang vai gui cu, Bawipa Jesuh ngawn vai ah tängpang ne pawngpüi ci gui.

JOHAN 7:1

Cun kawn ah Bawipa Jesuh cu Kalile kho ah pawng ne hteit ba ci. Jew chang gui naw ngawn vai ah ami ng’ge cu hmat netah, Judea kho ah kä hteit ba hlük ci.

MATTHE 12:14

Pharisee gui cu pum im ungka hteit ba u netah Bawipa Jesuh cu ngawn vai ah ng’ge ci gui.

KALATIAN 6:13

Vun ah vai ah ling ciah chang gui ge naw, thukhän cu kä läk ci gui nei. Vun ah nak nami bi nak awn khähghah hlü u netah, ami ning bi sak gui ah kyak ci.

THULÄÄN NAK 33:4

Moses naw ana pek gui ah thumkhän cu mikmi naw mi läk ci. Cun cu mikmi ah pakhui naw aktung pikbäih mi kawh chan ah kyak ci.

THULÄÄN NAK 1:17

Nami phukpit kaiyawih nak ung a u täng ah phi kä nami kyak vai. Chang päng cu täng khai nami ng’thumcha vai, a u kä nami m’khawm hnga vai. A u kä nami kyih vai, nami phukpit kaiyawih nak cu Khanpughi ungka lawk ciah nami bi ah kyak ci. Amawng tumat cu nangmi ah phäh ah a khak aih ah a kyak ung kei ah nami law püi vai, kei naw ka phupit kaihyawih khai.’

KALATIAN 3:19

Cun ah a kyak ung thukhän ah ng’bü nak cu a i ang? Thukhän cu shetkat nak ah mawng m’dang nak ah kyak ci. Cun ah thukhän cu shaitaak nak gah ciah Abraham ah hta ng’shon, kä a gawk law pha ah a khin bäng ung om khai ah kyak ci. Cun ah thukhän cu khanchang gui awn, ng’shä tumat ung a yuk peit law ah kyak ci.

LAMKTU 7:38

Ani cu bung puk ah om ci gui ah Israel chang gui, kami pu pa gui lah Sinai khaw m’htung ung ng’thu püi ciah khankho chang awn atäng ah om ciah chang ah kyak ci. Mikmi am ana peit gui vai ah Khanpughi ah ghing ciah ng’thu gah ciah chang ah phi ki ak ci.

JOHAN 10:39

Cun ci khätah chang gui naw, Bawipa Jesuh cu phak khai gui ah tha nak ci gui, cun ung phi ani naw lek gui ne a hei ah hteit ci.

JOHAN 7:25

Jerusalem ah chang amshah gui naw, “Shin ah chang cu ang vai gui naw ngawn vai ah shui ci gui ah kä kyasei ang?

JOHAN 5:45

Cun ung phi kei naw Khanpughi ah ma ah cheishoh nak ka ning pe gui khai ah kä nami ngaih vai. Nami cheishoh nak ning m’dang pe gui khai cu nami ngaih u ah Moses ah kyak ci.

JOHAN 5:18

Kyin hnüüp ng’thukhän kaan ne bi bik netah mä, Khanpughi am kapa a ci la amät Khanpughi awn täng ciah a pyein ah hmawk ah Jew chang ng’vai gui naw, Bawipa Jesuh cu ngawn vai ah ng’ge law pi ci gui.

JOHAN 5:16

Cun ah kyin hnüüp ung akgaw a gai ba sak ung tün ne, Bawipa Jesuh cu Jew chang vai gui naw, gen lawk ci gui.

MAKUH 3:6

Pharisee gui cu acun vai-am lut law ba u ne, Bawipa Jesuh cu ngawn vai ah k’bäi ci gui.

MAKUH 3:4

Cun kawn ah Bawipa Jesuh naw, “mikmi ah thukhän a i ah mäih ah ang a om? kyin hnüüp ung akni bi vai ang, akshe bi vai ang? chang phiawn sak vai ang, m’di m’dap vai ang?’ cine ng’shi gui ci. Ngami cu api ah phi kä chiu ne om ci gui.

MATTHE 21:38

Cun ung phi ngami naw lo mah ah hta cu hmu law u netah, ‘Shin ah chang cu lo mah ah pakhui m’düng khai ah chang ah kyak ci, lawvä, ani cu mi ngawn u ne, ak chaw vai a khawh cham avan mi lak khai nei,’ cine ng’ge u netah,

MAKUH 11:18

Taigü ng’vai gui la thukhän saya gui naw, acun a ci cu ng’ya u netah, Bawipa Jesuh ngawn nak vai ah lam cu shui ci gui. Chang gui naw cun ah am theithang gui cu cäicat ne ngai khit u netah Bawipa Jesuh cu kyihkyawk ci gui.