JOHAN 7:18 - Cho Bible Common Language 2016

¹⁸ Amät ah ng’yak hlü pyeinsak ci cu, amät ah mingthang nak vai ah kyak ci. Cun ung phi tüi lawk ciah mingthang vai ng’ya hlük ci naw, düng nak awn ng’thu pyein ci, ani ung hleeihlak nak kä om ci.

JOHAN 7:18 Referans Kwoze

JOHAN 5:41

“Chang ah m’hlüngtai vai kei naw kä ka ng’ya hlük ci,

1 THESSALONIAN 2:6

Nangmi naw phi bäi, chang hei naw phi bäi, a u naw phi nami nam kümto gui ah kä kami tha na man ci.

JOHAN 12:28

Cun ung phi kei cu shin ah caiya nak ah a khin cu ka aut khai ah ka lawk ci nei. O Kapa, Na ming theing ung na bämang nak dang sak ä” cine kyak ci. Acun vai-am Khankho ah kaa thang lawk ciah k’aw naw, “Kei naw ka ming theing ah bämang nak cu kang dang sak pyi ci nei, cun kawn ah phi ka dang sak ba khai nei” cine pyein ci.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

NG'THU K'THUUK~ 25:27

Khoitui ada aih ah a kyak ung nang ah phäh ah kä nik ci, a cun ah mäih ah m’taam khah vai tha nak aih phi kyak ci.

KHEI NAK 11:29

Moses naw, “Nang cu kei ah hmawk ah ning m’ä tu ne ma? Kei naw ka ng’yak hlü cu Bawipa naw ang mümcha cu ak chang gui avan am a peik vai. Ngami ami van cu prophet ah mäih ah ami m’lau vai ah kyak ci.

JOHAN 11:4

Bawipa Jesuh naw cun cu ng’ya netah, “Shin ah gaw nak cu, sih nak vai ah kä kyak ci, Khanpughi ah hlüngtai nak ang dang nak vai la a shin ah gaw nak awn Khanpughi ah A Htapa ah hlüngtai nak ang shü khang nak vai ah kyak ci.

JOHAN 8:54

Bawipa Jesuh naw, “Kei naw ka mät kamtam khah ung, kei ah hlüngtai nak cu a kholä ah kyak ci. Kei namtam khah cicu kei ah Kapa ah kyak ci. Ani cu nangmi naw kami Khanpughi nei” nami cik ci.

JOHAN 12:43

Ngami cu Khanpughi ah m’tamkhah nak ah mä, chang ah m’tamkhah nak cu m’hni pi ci gui ah kyak ci.

1 JOHAN 2:29

Nangmi naw Bawi Khrit cu ng’düng ciah nami hmat ci; acun ah mäih ah düng nak bik ciah chang phung cu Khanpughi ah hta ah kyak ci, cicu nami hmat vai kyak ci.