JOHAN 7:16 - Cho Bible Common Language 2016

¹⁶ Bawipa Jesuh naw, “Shin gui cu ka mät ah m’theithang ah kä kyak ci, na tüi lawk ciah Khanpughi ungka lawk ciah kyak ci.

JOHAN 7:16 Referans Kwoze

JOHAN 14:24

Kei kä nam hni ciah chang naw, kei ah m’thei thang phi kä ngai khai. Kei ah ning m’thei thang gui cu ka mät ungka lawk ciah kä kyak ci, kei na tüi lawk ciah Kapa ungka lawk ciah kyak ci.

JOHAN 14:10

Kei kapa ung ka om ci, Kapa kei ung om ci ‘Ka cicu kä na yum ci ma? Nangmi ah ma ah kei ah pyein gui cu ka mät ah ng’thu ah kä kyak ci, kei ah bi gui cu kei ung om ciah Kapa ah bi gui ah kyak ci.

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

JOHAN 5:30

“Ka mät ah m’khüt näng nak awn a i kä ka bi hning ci, Khanpughi ah nam cäi ah mäih ah m’khoichaa nak ka bik ci. Ka mät ah ng’yak hlü ah ka bi vai ah kä ka tha nak ci, na tüi lawk ciah ang yak hlü bäng ah bi ka bik ci; cun ah kyasei kei ah m’khoichaa nak cu düng ci.

JOHAN 17:14

Nang ah ng’thu cu ngami-am ka pe gui pyi ci, Kei cu m’dek khan naw kä a na khäm ah mäih ah ngami phi kä khäm gui ci.

JOHAN 8:28

Cun ah kyasei ani naw, “Chang ah hta cu häi ne nami tai kawn ah vah,’ Kei cu kei ah’ka kyak ah mawng la kei naw ka mät ah ng’yak hlü ah kä kyak ciah, Pa Khanpughi ah nam cäi ah mäih ah ka bilawh cu nami hmat khai.

JOHAN 3:11

Kei naw akcang ka pyein cu, keimi naw kami hmat cu pyein u ne, kami hmuh cu kami ngak ci. Cun ung phi keimi ah pyein sak cu nangmi naw kä nami yum ci.

JOHAN 6:44

a u phi kei ah kä law hlawt khai, kei ah lawk ci cu akhnu hnüüp ung sih nak ungka ka thawh sak ba khai.

JOHAN 3:31

Khankho ah kaa kyum lawk ci cu, van nüng ah hlüngtai pi ci. Khomdek ungka lawk cicu khomdek chang ah kya ne, m’dek khan ah mawng cu pyein ci. Cun ung phi khankho ah kaa lawk cicu apäng avan ah hlüngtai pi ci.

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

2 JOHAN 1:9

Bawi Khrit ah m’theithang nak ah kyong ah kä om ne, ak pung ah om ciah chang ung Khanpughi kä om ci. Bawi Khrit ah m’theithang nak kyong ung om ciah chang cu Apa la A Htapa ani nik hnih ah om nak ah kyak ci.